ۇلتتىق كونتينگەنتتٸڭ ينجەنەرلٸك-ساپەرلٸك توبى بۇۇ مانداتىنا سەيكەس گولان بيٸكتٸكتەرٸندە جٷكتەلگەن مٸندەتتەردٸ سەتتٸ ورىنداپ كەلەدٸ, دەپ حابارلايدى Dalanews.kz.
2025 جىلعى 11 سەۋٸردەن باستاپ ەسكەري قىزمەتشٸلەر 44 وپەراتسييا جٷرگٸزٸپ, 1200-دەن استام جارىلعىش زات پەن 43 قولدان جاسالعان جارىلعىش قۇرىلعىنى جويدى. سونىمەن قاتار, قازاقستاندىق ساپەرلار جەرگٸلٸكتٸ اۋماقتا, بۇۇ بازالارى مەن باقىلاۋ بەكەتتەرٸندە بەس ٸزدەستٸرۋ ٸس-شاراسىن ٶتكٸزٸپ, مينالى القاپتارعا ٷش بارلاۋ شىعۋىن جٷزەگە اسىردى.
سونداي-اق, انىقتالعان وق-دەرٸلەرگە 11 مەرتە الدىن الا زەردەلەۋ جۇمىسى جاسالدى. جاۋاپكەرشٸلٸك ايماعىندا ينجەنەرلٸك-ساپەرلٸك توپ ەسكەري پەرسونالدىڭ, بۇۇ نىساندارىنىڭ جەنە بەيبٸت تۇرعىنداردىڭ قاۋٸپسٸزدٸگٸن قامتاماسىز ەتۋدە.
– بٸز مينالى القاپتارعا بارلاۋ جٷرگٸزەمٸز, بۇۇ بازالارى مەن باقىلاۋ بەكەتتەرٸن تەكسەرەمٸز, جارىلعىش زاتتار مەن قولدان جاسالعان جارىلعىش قۇرىلعىلاردى جويامىز. تابىلعان بارلىق وق-دەرٸلەر – سيرييا اۋماعىنداعى قارۋلى قاقتىعىستاردىڭ قاۋٸپتٸ مۇراسى, – دەدٸ بٸتٸمگەرلٸك وپەراتسييالارى ورتالىعىنىڭ ماتەريالدىق-تەحنيكالىق قامتاماسىز ەتۋ باسقارماسىنىڭ وفيتسەرٸ مايور ەرنار امانتايۇلى.
گولان بيٸكتٸكتەرٸنە جٸبەرٸلەر الدىندا ەسكەري قىزمەتشٸلەر الماتى گارنيزونىنداعى بٸتٸمگەرلٸك وپەراتسييالارى ورتالىعىندا جەنە قوناەۆ گارنيزونىنىڭ ميناسىزداندىرۋ ورتالىعىندا كەشەندٸ ارنايى دايىندىقتان ٶتتٸ. وندا ولار گۋمانيتارلىق ميناسىزداندىرۋدىڭ ٷش دەڭگەيلٸ كۋرسىن مەڭگەردٸ.
وسىلايشا, قازاقستاننىڭ ينجەنەرلٸك ەسكەرلەرٸنٸڭ ەسكەري قىزمەتشٸلەرٸ ەل ٸشٸندە ەسكەر مەن ازاماتتىق حالىقتىڭ قاۋٸپسٸزدٸگٸن قامتاماسىز ەتٸپ قانا قويماي, بۇۇ ميسسييالارى اياسىندا بەيبٸتشٸلٸك پەن تۇراقتىلىقتى نىعايتۋعا دا ەلەۋلٸ ٷلەس قوسۋدا.
