قازاقستاندا ءۇيدى الدىمەن جالعا الىپ، كەيىن ساتىپ الۋ مۇمكىندىگىن بەرەتىن جاڭا پيلوتتىق جوبا ىسكە قوسىلدى. ەندى ازاماتتار ءوتىنىش بەرىپ، ەلەكتروندى شارتتى تۇرعىن ءۇي كومپانياسىنىڭ پورتالى ارقىلى قاشىقتان جاساي الادى، دەپ حابارلايدى Dalanews.kz.
جوبا اياسىندا تىركەۋگە قاجەتتى بارلىق قۇجات جىلجىمايتىن مۇلىكتىڭ ءبىرىڭعاي مەملەكەتتىك كاداسترىنا اۆتوماتتى تۇردە جولدانادى. ال مامىلەگە قاتىسۋشىلار مەن تىركەۋشى ورگان قىزمەتكەرلەرى پروسەستى بەينەبايلانىس ارقىلى جۇزەگە اسىرادى.
اتالعان باستاما مەملەكەتتىك تۇرعىن ءۇي كەزەگىندە تۇرعان ازاماتتارعا باعىتتالعان. ونىڭ ىشىندە الەۋمەتتىك وسال توپتار مەن بيۋدجەت سالاسىنىڭ قىزمەتكەرلەرى دە بار.
جوبانىڭ ماقساتى — تۇرعىن ءۇي الۋ پروسەسىن جەڭىلدەتىپ، قاعازباستىلىقتى ازايتۋ جانە قىزمەتتەردىڭ قولجەتىمدىلىگىن ارتتىرۋ.
