Qazaqstanda úıdi aldymen jalǵa alyp, keıin satyp alý múmkindigin beretin jańa pılottyq joba iske qosyldy. Endi azamattar ótinish berip, elektrondy shartty turǵyn úı kompanıasynyń portaly arqyly qashyqtan jasaı alady, dep habarlaıdy Dalanews.kz.
Joba aıasynda tirkeýge qajetti barlyq qujat jyljymaıtyn múliktiń biryńǵaı memlekettik kadastryna avtomatty túrde joldanady. Al mámilege qatysýshylar men tirkeýshi organ qyzmetkerleri prosesti beınebaılanys arqyly júzege asyrady.
Atalǵan bastama memlekettik turǵyn úı kezeginde turǵan azamattarǵa baǵyttalǵan. Onyń ishinde áleýmettik osal toptar men búdjet salasynyń qyzmetkerleri de bar.
Jobanyń maqsaty — turǵyn úı alý prosesin jeńildetip, qaǵazbastylyqty azaıtý jáne qyzmetterdiń qoljetimdiligin arttyrý.
