سوڭعى كٷندەرٸ ۇلتتىق ۆاليۋتا باعامى ەلسٸرەپ, اقش دوللارى كٷش الا باستادى. اقشا ايىرباستاۋ ورىندارىندا امەريكالىق اقشا 491-493 تەڭگەدەن ساتىلا باستادى. كەيبٸر ماماندار بۇل باعام 500 تەڭگەگە دەيٸن باراتىنىن بولجايدى. دەگەنمەن ەكونوميكالىق ساراپشى ايبار ولجاەۆ دوللار ساتىپ الۋعا اسىقپاۋ كەرەكتٸگٸن ايتادى, دەپ حابارلايدى Dalanews.kz.
ونىڭ ايتۋىنشا, تەڭگەگە نەگٸزٸنەن ەسەر ەتەتٸن ٷش گلوبالدى فاكتوردا ايتارلىقتاي ٶزگەرٸس جوق. ياعني, مۇناي باعاسى, سىرتقى تٶلەم بالانسىنىڭ جاعدايى مەن ساۋدا-ساتتىقتاعى ۇسىنىس/سۇرانىس كٶلەمدەرٸندە.
"تۋرا وسى جەردە قىزىق جاعداي تۋىندايدى. مۇناي باعاسى تۇراقتى, تٸپتٸ يران مەن يزرايل ارقاسىندا اقىرىنداپ ٶسٸپ كەلەدٸ. سىرتقى تٶلەم بالانىسىنىڭ تەرٸس سالدوسى بٸز ٷشٸن قاتتى اۋىتقىعان جوق, كەرٸسٸنشە قىسقارۋعا بەت الدى. كەي ساراپشىلار تٸلگە تيەك ەتكەن بيۋدجەت دەفيتسيتٸنٸڭ تەڭگەگە ەش قاتىسى دا جاعىمسىز ەسەرٸ دە بولمايدى. سەبەبٸ, دەفيتسيتتٸ جابۋ ٷشٸن ۇلتتىق قوردان كٶبٸرەك ترانسفەرت الىنسا, ول دوللارلار قازاقستان قور بيرجاسىندا كونۆەرتتەلگەندە كەرٸسٸنشە تەڭگەگە دەمەۋ بەرەتٸنٸن كٶردٸك", دەپ جازادى ول Facebook-تەگٸ پاراقشاسىندا.
ونىڭ ويىنشا, دەل وسى اۋىتقۋلاردا تەك قانا رۋبلدٸڭ ەسەرٸ بار. جەنە ول قىسقا مەرزٸمدٸ ەسەر بەرەتٸن سيياقتى. فۋندامەنتالدى تٷردە, رۋبل ٶزٸمەن بٸرگە تەڭگەنٸ ەڭ تٶمەنگە دەيٸن بٸرگە قۇلاتىپ ەكەتە المايدى, اراداعى بايلانىس مىقتى ەمەس جەنە 2023-2024 جىلدارى رۋبل كەدٸمگٸدەي ەلسٸرەگەن.
"نەگٸزگٸ بايلانىس دەپ ايتا الاتىن يمپورتتىق كانالدى الىپ قارايتىن بولساق, 2024 جىلدىڭ باسىنان بەرٸ رەسەيدەن بٸزگە كەلگەن يمپورت كٶلەمٸ 2,42 ميلليارد دوللار دەڭگەيٸندە بولدى. بۇل - ٶتكەن جىلعى سەيكەس كٶرسەتكٸشتەن از. ييا, رەسەي ەلٸ كٷنگە دەيٸن ٶزٸنٸڭ 28,6 پايىز ٷلەسٸمەن بٸزدٸڭ نەگٸزگٸ يمپورتەر بولىپ كەلەدٸ. بٸراق وسىدان بٸرنەشە جىل بۇرىن رەسەيدٸڭ بٸزدٸڭ جالپى يمپورتتاعى ٷلەسٸ, تٸپتٸ 34-36% كٶرسەتكەن كەزدەر دە بولعانىن ۇمىتپاۋىمىز كەرەك", - دەيدٸ ول.
سونداي-اق ول سانكتسييا اياسىندا موسبيرجادان دوللار/رۋبل جۇبى كەتكەلٸ بەرٸ, رۋبل مەن دوللار اراسىندا تٸكەلەي ساۋدا-ساتتىق جويىلعانىن, رۋبلدٸڭ دوللارداعى نارىقتىق قۇنى ونىڭ يۋانمەن اراداعى ساۋداسىنان كەيٸن, يۋان باعاسىنا شاعىلاتىن كروسس-كۋرس ارقىلى بەرٸلەتٸنٸن ەسكە سالادى.
"كەشە بٸر دوللار 96,27 رۋبلگە دەيٸن باردى. نەگٸزگٸ سەبەبٸ, قىتايدىڭ ترانسشەكارالىق ترانزاكتسييالاردا رەسەي كومپانييالارىن يۋان بويىنشا قىسا باستاعانىندا جەنە قىركٷيەك ايىنان بەرٸ باستالعان قىتاي جاڭا جىلىندا بولىپ وتىر. نەتيجەسٸندە رەسەيدە يۋان تاپشىلىعى باستالدى. قىتاي جاڭا جىلدان كەشە عانا شىقتى جەنە كەلەسٸ اپتادان باستاپ بٸرشاما يۋاندٸ رەسەيگە جەتكٸزەتٸن بولادى. دەمەك كەلەسٸ اپتا باسىندا رۋبلدٸڭ قۇلدىراۋى توقتاپ, سول 94 دەڭگەيٸندە تۇراقتاي باستاۋى مٷمكٸن", دەپ سٶزٸن تولىقتارادى ساراپشى.
ول ەش فۋندامەنتالدى نەگٸز بولماسا دا, كەيدە نارىق تٷرلٸ سپەكۋلياتيۆتٸ تولقىننىڭ ٸشٸندە كەتٸپ قالاتىنى جاسىرىن ەمەس ەكەنٸن دە ناقتىلايدى.
"بٸراق ول كٶپٸرشٸك تەز جارىلادى دا, نارىق ورنىنا تەز ورالادى. ٷكٸمەتكە وسى قازاندا دوللاردىڭ 490 تەڭگە بولىپ تۇرا تۇرعانى كەرەمەت تيٸمدٸ بولادى. سەبەبٸ, بيرجادا بٸر ايدىڭ ٸشٸندە 1,4 ميلليارد دوللار اۋىستىرعاندا تەڭگە باعامىنان ۇتار ەدٸ. بٸراق نارىق تا ونداي سۇرانىس/ۇسىنىس قۇلاعىن تەز انىقتايدى. سوندىقتان كەلەسٸ اپتادا قازاقستان قور بيرجاسىندا قالاي بەلسەندٸ كونۆەرتاتسييالار باستالادى, سولاي تەڭگە 483-485 دەلٸزٸنە ورالا باستايتىنىن بولجاي الامىز. سەبەبٸ كەلەسٸ اپتا رۋبل دە يۋان تاراپىنان بەلگٸلٸ بٸر قولداۋ الماق. دوللار ساتىپ الۋعا اسىقپاڭىزدار", دەپ سٶزٸن تٷيٸندەيدٸ ايبار ولجاەۆ.
