1 قازان – حالىقارالىق قارتتار كۇنى مەرەكەسىندە تۇركىستان وبلىسى، قازىعۇرت اۋدانىنىڭ قورعانىس ىستەرى جونىندەگى ءبولىمىنىڭ باسشىلىعى اۋداننىڭ قۇرمەتتى تۇرعىنى، ۇلى وتان سوعىسىنىڭ ارداگەرى انارباي مىرزاحمەتوۆتى قۇتتىقتادى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
– اعا بۋىن سالت-داستۇرلەردىڭ تالىمگەرلەرى مەن ساقتاۋشىلارى بولا وتىرىپ، بىزگە ۇلگى بولادى. ولاردىڭ ءاربىر ءسوزى، ەستەلىگى جانە دانا كەڭەسى – باعا جەتپەس بايلىق. ءبىز ولارمەن ءارقاشان بايلانىستامىز. ءبىزدىڭ كىشىگىرىم كومەگىمىز، ولاردىڭ دەنساۋلىعىنا، كوڭىل كۇيىنە جاقسى جاعىنان اسەر ەتەرىنە سەنەمىز، – دەدى قازىعۇرت اۋدانى قورعانىس ىستەرى ءبولىمىنىڭ باستىعى، مايور باعلان ءورىسباي.
قاراباۋ اۋىلدىق وكرۋگىنىڭ سىنتاس اۋىلىنىڭ ءتىرى اڭىزى، انارباي مىرزاحمەتوۆ جۇبايى شامەنمەن جانە ۇلىنىڭ وتباسىمەن بىرگە بايدىبەك كوشەسى، 56-ۇيدە تۇرادى. 1944 جىلى 18 جاستاعى انارباي ءوز ەركىمەن سوعىسقا كەتتى. بەرليندى الۋعا قاتىسىپ، سول قالادا كوپتەن كۇتكەن جەڭىستى قارسى الدى. ونىڭ ماراپاتتارىنىڭ اراسىندا «بەرليندى العانى ءۇشىن»، «1941-1945 جىلدارداعى ۇلى وتان سوعىسىنداعى گەرمانيانى جەڭگەنى ءۇشىن» جانە ت.ب. مەدالدارى بار.
1950 جىلى، انارباي مىرزاحمەتوۆ اسكەردەن ۇيىنە ورالدى. تۋعان اۋىلىنىڭ شامەن ەسىمدى 18 جاسار قىزىنا ۇيلەندى. مال شارۋاشىلىعىندا ەڭبەك ەتتى. قوي فەرماسىن باسقاردى جانە بەيبىت ومىردە جەتىستىكتەرگە جەتتى.
بيىل انارباي مىرزاحمەت ۇلى 96 جاسقا تولدى، ال ۇيىندەگى اجەمىز 92 جاستا. ولار بىرگە 74 جىل بولدى. ون ۇل مەن قىز ءوسىرىپ، سولاردىڭ 43 نەمەرەسىنىڭ تاربيەسىنە بەلسەنە قاتىسىپ كەلەدى.
