1 qazan – Halyqaralyq qarttar kúni merekesinde Túrkistan oblysy, Qazyǵurt aýdanynyń qorǵanys isteri jónindegi bóliminiń basshylyǵy aýdannyń qurmetti turǵyny, Uly Otan soǵysynyń ardageri Anarbaı Myrzahmetovti quttyqtady, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

– Aǵa býyn salt-dástúrlerdiń tálimgerleri men saqtaýshylary bola otyryp, bizge úlgi bolady. Olardyń árbir sózi, esteligi jáne dana keńesi – baǵa jetpes baılyq. Biz olarmen árqashan baılanystamyz. Bizdiń kishigirim kómegimiz, olardyń densaýlyǵyna, kóńil kúıine jaqsy jaǵynan áser eterine senemiz, – dedi Qazyǵurt aýdany qorǵanys isteri bóliminiń bastyǵy, maıor Baǵlan Órisbaı.

Qarabaý aýyldyq okrýginiń Syntas aýylynyń tiri ańyzy, Anarbaı Myrzahmetov jubaıy Shamenmen jáne ulynyń otbasymen birge Báıdibek kóshesi, 56-úıde turady. 1944 jyly 18 jastaǵy Anarbaı óz erkimen soǵysqa ketti. Berlındi alýǵa qatysyp, sol qalada kópten kútken jeńisti qarsy aldy. Onyń marapattarynyń arasynda «Berlındi alǵany úshin», «1941-1945 jyldardaǵy Uly Otan soǵysyndaǵy Germanıany jeńgeni úshin» jáne t.b. medaldary bar.

1950 jyly, Anarbaı Myrzahmetov áskerden úıine oraldy. Týǵan aýylynyń Shamen esimdi 18 jasar qyzyna úılendi. Mal sharýashylyǵynda eńbek etti. Qoı fermasyn basqardy jáne beıbit ómirde jetistikterge jetti.

Bıyl Anarbaı Myrzahmetuly 96 jasqa toldy, al úıindegi ájemiz 92 jasta. Olar birge 74 jyl boldy. On ul men qyz ósirip, solardyń 43 nemeresiniń tárbıesine belsene qatysyp keledi.