الماتى وبلىسى، قاراساي اۋدانىنداعى «ءۇشقوڭىر» سپورت كەشەنىندە VIII رەسپۋبليكالىق «اق بيداي–2025» اۋىل سپورتى ويىندارىنىڭ سالتاناتتى اشىلۋ ءراسىمى ءوتتى. ءتورت جىلدا ءبىر رەت ۇيىمداستىرىلاتىن ءداستۇرلى دودا بيىل ەرەكشە اۋقىمدا ءوتىپ جاتىر،- دەپ حابارلايدى Dalanews.kz
اشىلۋ سالتاناتىنا ەلىمىزدىڭ بارلىق 17 وڭىرىنەن كەلگەن كوماندالار قاتىسىپ، سالتاناتتى شەرۋگە شىقتى. ارتىنشا «اق بيداي» ويىندارىنىڭ رەسمي جالاۋى كوتەرىلدى.
بيىلعى ويىندارعا 2000-عا جۋىق سپورتشى قاتىسىپ وتىر. ولار كوماندالىق جانە جەكەلەي سىنداردا 20 سپورت ءتۇرى بويىنشا ب ا ق سىناماق. جارىس الماتى وبلىسىنىڭ ءۇش ايماعىندا – تالعار، قاراساي اۋداندارىندا جانە قونايەۆ قالاسىندا وتەدى.
باعدارلاماعا قازاق كۇرەسى، كوكپار، اۋدارىسپاق، تەڭگە ءىلۋ، اسىق اتۋ، جامبى اتۋ سياقتى ۇلتتىق سپورت تۇرلەرىمەن بىرگە، ۇستەل تەننيسى، ميني-فۋتبول، ۆولەيبول سياقتى بۇقارالىق سپورت تۇرلەرى دە ەنگەن.
الماتى وبلىسى اكىمىنىڭ ءبىرىنشى ورىنباسارى ءابدىراحىم نۇرلان ەرعالي ۇلى قاتىسۋشىلارعا ساتتىلىك تىلەپ، اۋىل سپورتىنىڭ دامۋىنا ەرەكشە توقتالدى.
«اق بيداي» – تەك جارىس ەمەس، اۋىلدان شىققان دارىندى جاستاردى تانىتاتىن ۇلكەن الاڭ. سوڭعى جىلدارى وڭىردە جاڭا سپورت نىساندارى سالىنىپ، حالىقارالىق دەڭگەيدەگى فۋتبول اكادەمياسى اشىلدى. مۇنىڭ بارلىعى – بولاشاق چەمپيوندارعا جول اشاتىن ناقتى ناتيجە، – دەدى ول.
پاريج وليمپياداسىنىڭ چەمپيونى ەلدوس سمەتوۆ تا ءوز اسەرىمەن ءبولىستى.
«اق بيداي–2025» ويىندارىنىڭ اشىلۋ راسىمىنە العاش رەت قاتىسىپ وتىرمىن. اتموسفەراسى ەرەكشە اسەرلى – كوتەرىڭكى كوڭىل كۇي، جانكۇيەرلەردىڭ قوشەمەتى، سپورتشىلاردىڭ سالتاناتتى شەرۋى شىن مانىندە شاعىن قازاقى وليمپيادانىڭ اشىلۋىن ەلەستەتتى.
باعدارلامادا ۇلتتىق سپورت تۇرلەرىنە، اسىرەسە قازاق كۇرەسىنە باسىمدىق بەرىلگەنى كوڭىل قۋانتادى. بۇل – تەك جارىس ەمەس، حالقىمىزدىڭ رۋحاني بايلىعى مەن ءتول مادەنيەتىن دارىپتەيتىن ماڭىزدى الاڭ.
ازاق سپورتىنىڭ تاريحىندا ەسىمى التىن ارىپپەن جازىلعان چەمپيونداردىڭ كوبى – اۋىلدان شىققاندار. مۇنداي سايىستار اۋىل جاستارىنا دۇرىس باعىت تاڭداپ، سپورتتا جانە ومىردە بيىك بەلەستەرگە جەتۋگە جول اشادى»، - دەيدى ول.
ال ءماجىلىس دەپۋتاتى ارداق نازاروۆ ءداستۇردىڭ جالعاستىعىنا نازار اۋداردى.
«جاز اياقتالىپ، التىن كۇز كەلگەندە «اق بيداي» ويىندارىنىڭ ءوتۋى دە بەكەر ەمەس. كەڭەس داۋىرىندە دە ءدال وسى مەزگىلدە اۋىل حالقى سپورتتىق شارالار ارقىلى باس قوساتىن
تاۋەلسىزدىك جىلدارىنداعى ءداستۇر جالعاسى رەتىندە «اق بيداي» ويىندارى بيىل سەگىزىنشى رەت ۇيىمداستىرىلىپ وتىر. بۇل – ءتورت جىلدا ءبىر رەت وتەتىن ەرەكشە دودا.
پارلامەنت مىنبەرىنەن ارنايى كەلىپ، اشىلۋ راسىمىنە قاتىسىپ وتىرمىن. بۇل شارا – اۋىل جاستارىنا ۇلكەن مۇمكىندىك.
ەرتەڭگى كۇننىڭ چەمپيوندارى وسىنداي الاڭداردا شىڭدالادى. اۋىلىمىز كوركەيىپ، جاستارىمىز ەل بولاشاعى ءۇشىن ەڭبەك ەتە بەرسىن!»، – دەدى دەپۋتات.
ويىنداردى قازاقستان رەسپۋبليكاسى تۋريزم جانە سپورت مينيسترلىگى، سپورت جانە دەنە شىنىقتىرۋ ىستەرى كوميتەتى، الماتى وبلىسىنىڭ سپورت باسقارماسى جانە سپورتتى دامىتۋ ورتالىعى بىرلەسە ۇيىمداستىرۋدا.
الماتى وبلىستىق دەنە شىنىقتىرۋ جانە سپورت باسقارماسىنىڭ باسشىسى اقجۇرەك تاڭاتاروۆ بۇل جارىستىڭ جاستارعا بەرەرىن ەرەكشە اتاپ ءوتتى.
«اق بيداي–2025» رەسپۋبليكالىق اۋىل سپورت ويىندارى – اۋىل جاستارىنا ارنالعان ۇلكەن مۇمكىندىك. پرەزيدەنتىمىز بۇقارالىق سپورتتىڭ ماڭىزىن ۇنەمى اتاپ وتەدى. بۇل – ۇلت ساۋلىعىنىڭ كەپىلى.
اۋىلدان شىققان كوپتەگەن چەمپيوندار بۇگىندە ەل نامىسىن قورعاپ ءجۇر. بۇل دودا – سول رۋحتى جالعاستىرۋشى الاڭ.
جۇلدەگەرلەرگە سپورت شەبەرى اتاعىنىڭ بەرىلۋى – ۇلكەن موتيۆاسيا. بارلىق كوماندالارعا ساتتىلىك تىلەيمىن!»، - دەيدى ول.
ەسكە سالايىق، «اق بيداي–2025» رەسپۋبليكالىق اۋىل سپورتى ويىندارى 10 كۇنگە جالعاسىپ، جەڭىمپازدار مەن جۇلدەگەرلەر قىركۇيەكتىڭ سوڭىنا قاراي بەلگىلى بولادى.
