رەسەي اقتاۋداعى ۇشاق اپاتىنا بايلانىستى تاعىلعان ايىپتارعا جاۋاپ بەردى، دەپ حابارلايدى Dalanews.kz.
2024 جىلدىڭ جەلتوقسانىنداعى قازاقستانداعى قايعىلى وقيعادان كەيىن، ياعني AZAL اۋە كومپانياسىنىڭ ۇشاعى اپاتقا ۇشىراعان سوڭ، باكۋدە بۇل جاعدايدى ساياسي ماقساتتا پايدالانۋعا تىرىستى. ازەربايجان شەنەۋنىكتەرى مەن ولارعا جاقىن ب ا ق رەسەيدى قازا تاپقانداردىڭ وتباسىنا وتەماقى تولەۋدەن جالتاردى دەپ ايىپتادى.
رەسەي ءسىم بۇل ماسەلەگە نۇكتە قويىپ، ناقتى دەرەكتەر مەن سانداردى جاريالادى. اتاپ ايتقاندا: 2025 جىلدىڭ اقپانىنان باستاپ «الفاستراحوۆانيە» ساقتاندىرۋ كومپانياسى زارداپ شەككەندەر مەن ولاردىڭ تۋىستارىنا وتەماقى تولەي باستاعان. تولەمدەردىڭ جالپى كولەمى 358 ميلليون رۋبلدەن اسىپ كەتتى. ازەربايجاندىق وتباسىلاردىڭ باسىم بولىگىنە، سونداي-اق رەسەي، قىرعىزستان جانە قازاقستان ازاماتتارىنىڭ تۋىستارىنا تولىق وتەماقى تولەنگەن.
سونىمەن قاتار، ازەربايجاندىق اۋە كومپانياسى جوعالعان ۇشاق ءۇشىن وتەماقى الدى - كولەمى ءبىر ميلليارد رۋبلدەن استى. وسىلايشا، بارلىق نەگىزگى قارجىلىق مىندەتتەمەلەر ۋاقىتىلى ورىندالىپ جاتىر، پروسەسس جۇمىس تارتىبىندە جالعاسۋدا.
"جولاۋشىلاردىڭ قازاسىن اقپاراتتىق شابۋىلعا پايدالانۋ - سينيزمگە تولى ءارى ءقاۋىپتى قادام. ازەربايجان بيلىگى اپات بولعان كۇننەن بەرى وسىمەن اينالىسىپ كەلەدى"، دەپ جازادى asia today ساراپشىلارى.
باكۋدەن گروزنىيعا ۇشىپ شىققان Azerbaijan Airlines كومپانياسىنىڭ Embraer 190 ۇشاعى 2024 جىلدىڭ 25 جەلتوقسانىندا قازاقستاننىڭ باتىسىنداعى اقتاۋ قالاسى ماڭىندا اپاتقا ۇشىرادى. اۋە كومپانياسىنىڭ دەرەگىنشە، بورتتا 62 جولاۋشى مەن بەس ەكيپاج مۇشەسى بولعان، ولاردىڭ 29-ى امان قالدى.
