قىركۇيەكتىڭ 13-14 ء-ى كۇندەرى استانا قالاسىندا قىزىلوردا وبلىسى تاۋاروندىرۋشىلەرىنىڭ قاتىسۋىمەن اۋىل شارۋاشىلىعى ونىمدەرىنىڭ جارمەڭكەسى ۇيىمداستىرىلدى،- دەپ حابارلايدى Dalanews.kz
جارمەڭكەگە 50 جۇك كولىگىنە تيەلگەن 60-قا جۋىق ءتاۋاروندىرۋشىنىڭ قۇنى 200 ملن. تەڭگە بولاتىن 500 تونناعا جۋىق ءونىمى اپارىلعان.
اتاپ ايتقاندا، 200 توننادان استام كۇرىش، 10 توننا ەت، 20 تونناداي بالىق، 160 توننا باقشا ونىمدەرى، 80 توننادان استام كوكونىس پەن جەمىس-جيدەك، 15 تونناعا جۋىق ءسۇت جانە كونديتەر ونىمدەرى، 5 توننا اس تۇزى جەتكىزىلدى.
سونداي-اق، جارمەڭكە اياسىندا سىر ەلىنىڭ ونەرپازدارى قاتىسقان مادەني-تانىمدىق كونسەرتتىك باعدارلاما ەلوردالىقتارعا ەرەكشە كوڭىل-كۇي سىيلادى.
مەملەكەتتىك قولداۋدىڭ ارقاسىندا ايماقتىڭ اۋىل شارۋاشىلىعى سالاسى قارقىندى دامىپ كەلەدى. باسەكەگە قابىلەتتى ءونىم ءوندىرۋ ارقىلى ازىق-تۇلىك قاۋىپسىزدىگىن قامتاماسىز ەتۋ جولعا قويىلعان.
وسى جىلدىڭ 7 ايىندا اۋىل شارۋاشىلىعىندا 46،5 ملرد. تەڭگەنىڭ ءونىمى ءوندىرىلىپ، ءوسىم كورسەتكىشى 2،6%-عا ارتتى.
وبلىس بويىنشا 189،6 مىڭ گەكتارعا اۋىل شارۋاشىلىعى داقىلدارى ەگىلدى، اتاپ ايتساق، ءداندi داقىلدار 92،9 مىڭ گەكتار، مايلى داقىلدار 5،7 مىڭ گەكتار، مال ازىقتىق داقىلدار 73،3 مىڭ گەكتار، كارتوپ، كوكونiس، باقشا 17،4 مىڭ گەكتار. ۇكىمەت بەكىتكەن جول كارتاسىنا سايكەس 80،9 مىڭ گەكتار جەرگە كۇرىش سەبىلدى.
شارۋاشىلىقتار ەگىن جيناۋعا قاجەتتى اۋىل شارۋاشىلىعى تەحنيكالارىمەن، جانار-جاعارمايمەن، مينەرالدى تىڭايتقىشتارمەن تولىق قامتاماسىز ەتىلگەن.
بۇگىندە ەگىن جيناۋ ناۋقانى قارقىندى جۇرۋدە. ەرتە ەگىلگەن ءداندى داقىلدار تولىق جينالىپ ءبىتتى. قازىرگى تاڭدا مال ازىقتىق، مايلى داقىلدارمەن قاتار كوكونىس، باقشا جانە كۇرىش جينالۋدا.
ايماقتا مال شارۋاشىلىعىن دامىتۋعا جاسالعان قولداۋدىڭ ناتيجەسىندە ءتورت تۇلىك مال باسى ءوسىپ، ءونىم ءوندىرۋ ۇلعايدى.
وبلىس بويىنشا 2025 جىلدىڭ 1 تامىزىنا 425،4 مىڭ باس ءىرى قارا، 830،3 مىڭ باس قوي مەن ەشكى، 270،7 مىڭ باس جىلقى، 66،0 مىڭ باس تۇيە جانە 126،8 مىڭ باس قۇس تىركەلگەن. وتكەن جىلدىڭ سايكەس كەزەڭىمەن سالىستىرعاندا ءىرى قارا 0،5%-عا، جىلقى 9،7%-عا، تۇيە 1،2%-عا، قۇس 1،2%-عا ارتتى.
وڭىردە اۋىل شارۋاشىلىعى ونىمدەرىنىڭ ەكسپورتى قارقىندى دامىپ كەلەدى. بيىل وبلىستان قۇنى 18،8 ملن. دوللاردى قۇرايتىن 37،7 مىڭ توننا ءونىم الەمنىڭ 19 مەملەكەتىنە ەكسپورتتالدى.
بارلىق ەكسپورتتالعان ءونىمنىڭ 89،4 پايىزىن قۇرايتىن كۇرىش ءونىمى رەسەي، بەلارۋس، قىرعىزستان، تاجىكستان، ۋكراينا، ازەربايجان، وزبەكستان، گرۋزيا، موڭعوليا جانە يراك مەملەكەتتەرىنە جىبەرىلدى.
ازىق-تۇلىك قاۋىپسىزدىگىن قامتاماسىز ەتۋ ماقساتىندا ايماقتا ينۆەستجوبالاردىڭ جول كارتاسى ازىرلەنىپ، جالپى قۇنى 57،1 ملرد تەڭگەنى قۇرايتىن 30 جوبانى ىسكە اسىرۋ جوسپارلانۋدا. بۇل جوبالار ءوڭىر ەكونوميكاسىن ودان ءارى وركەندەتۋگە باعىتتالعان.
