استاناداعى سوت ەربولات جانەبٸلوۆتٸڭ جۇبايى – ەلميرا تٶلەگەنوۆانى تەرگەدٸ. الايدا سۋديا قويعان كەيبٸر سۇراقتارعا ول تولىققاندى جاۋاپ بەرە المادى, دەپ حابارلايدى Dalanews.kz.
سۋديا اقەركە بەكتۇرعانوۆا ۇتىس ويىندارىنىڭ ٶتكٸزٸلۋ تەرتٸبٸ مەن تٶلەگەنوۆانىڭ رٶلٸنە قاتىستى سۇرادى. ول ٶزٸن جشس اتىنان ٶكٸل رەتٸندە كٶرسەتٸپ, كۋرستاردىڭ ٶتۋٸن جارييالاعانىن, سول كۋرستاردى ساتىپ العان قاتىسۋشىلارعا بونۋس بەرٸلگەنٸن ايتتى. الايدا ۇتىس شارتتارىنىڭ ناقتى قايدا رەگلامەنتتەلگەنٸن ناقتىلاي الماي, بۇل سۇراقتى تەحنيكالىق مامانعا قويۋ كەرەك دەپ جاۋاپ بەردٸ.
تٶلەگەنوۆا ۇتىس ويىندارىن ۇيىمداستىرۋعا قاتىستى باسقا دا جايتتاردى تٷسٸندٸرٸپ بەرە المادى. ول سوتتا تەحنيكالىق بٶلٸمدٸ جاقسى بٸلمەيتٸنٸن مويىنداپ, سوندىقتان قاتىسۋشىلار مەن جەڭٸمپازداردىڭ ناقتى سانىن اتاي المايتىنىن جەتكٸزدٸ.
«تەحنيكالىق جاعىنان مىقتى ەمەسپٸن. ەسەپتٸ مامان جٷرگٸزەدٸ. ماعان بەلگٸلٸسٸ – ەكٸ اۆتوكٶلٸك, iPhone, اقشالاي سىيلىقتار ويناتىلدى جەنە شامامەن جٷز ادام ماراپاتتالدى», – دەدٸ ول.
سونداي-اق سوت نەگە ۇتىستاردى ٶتكٸزۋ ٷشٸن كورپوراتيۆتٸك اككاۋنت ەمەس, تٶلەگەنوۆانىڭ جەكە Instagram پاراقشاسى پايدالانىلعانىن سۇرادى.
«مەن اتالعان جشس-نٸڭ ديرەكتورى بولعاندىقتان, مەنٸڭ پاراقشام قولدانىلدى. Stories-كە كۋرستار جايلى اقپاراتتى سالدىم, ال تٶمەنگە كومپانييا سايتىنا سٸلتەمەنٸ قوستىم», – دەپ تٷسٸندٸردٸ بلوگەر.
سوتتا سىيلىقتاردىڭ قالاي تابىستالعانىنا قاتىستى دا سۇراقتار قويىلدى. تٶلەگەنوۆا اقشالاي جٷلدەلەردٸ ٶزٸنٸڭ جەكە شوتىنان اۋدارعانىن, ال اۆتوكٶلٸكتەر مەن تەحنيكانىڭ «بۇيرىق پەن مٶر ارقىلى قايتا رەسٸمدەلگەنٸن» ايتتى. ونىڭ سٶزٸنشە, سىيلىقتاردى قارجىلاندىرۋ ولاردىڭ «Zhana Business» جشس قاراجاتىنان جٷرگٸزٸلگەن.
