World Boxing فەدەراتسيياسىنىڭ ۇيىمداستىرۋىمەن العاشقى ەلەم بٸرٸنشٸلٸگٸ ٶتتٸ. دٷبٸرلٸ دوداعا 60 ەلدەن 500-دەن استام بىلعارى قولعاپ شەبەرٸ قاتىسىپ, بوكسشىلار 10 سالماق دەرەجەسٸندە مەدالداردى ساراپقا سالدى.
قازاقستان كٸل مىقتىلاردى جيناپ, تولىق قۇرامدا ٶنەر كٶرسەتتٸ. ۇلتتىق قۇراما بۇعان دەيٸن الماتى وبلىسىندا وقۋ-جاتتىعۋ جيىنىن ٶتكٸزٸپ, كەيٸن شەففيلدكە بارىپ دايىندىق جۇمىستارىن جالعاستىرعان بولاتىن. جالپى جەرلەستەرٸمٸزدٸڭ ساقاداي ساي ەكەنٸ بايقالدى.
بۇل ەلەم چەمپيوناتىنىڭ باستى جاڭالىقتارىنىڭ بٸرٸ كۋبالىق حۋليو سەزار لا كرۋستىڭ 90 كەلٸدەن جوعارى سالماققا اۋىسۋى بولدى. بۇعان دەيٸن جارتىلاي اۋىر سالماقتا باق سىناعان ول بيىل اسا اۋىر سالماقتاعى الپاۋىتتارمەن كٷش سىناستى. وسى سالماقتا قازاقستان قۇراماسىنىڭ كاپيتانى ايبەك ورالباي دا ٶنەر كٶرسەتتٸ. سونداي-اق ەزەربايجاندىق مۋحامماد ابدۋللاەۆ تا قارسىلاس اتاندى. سوڭعى رەت ايبەك پەن مۋحامماد استانادا ٶتكەن ەلەم كۋبوگى كەزەڭٸندە جۇدىرىقتاسىپ, ول كەزدە ايبەك ەش قيىندىقسىز جەڭٸسكە جەتٸپ, التىن مەدال ولجالاعان ەدٸ. بۇل جولى دا ايبەكتٸڭ كۋبالىق جەنە ەزەربايجاندىق بوكسشىلاردان ايلاسىن اسىرۋى باستى «ينتريگاسى» بولدى.
65 كەلٸگە دەيٸنگٸ سالماقتا 2024 جىلعى وليمپيادا چەمپيونى كۋبالىق ەريسلاندي الۆارەس پەن ٷندٸستاندىق ابحيناش دجامۆال جۇدىرىقتاستى. ايتا كەتسەك, ابحيناش بۇعان دەيٸن استاناداعى ەلەم كۋبوگى كەزەڭٸندە ەرتۋعان زەينۋللينوۆتى جەڭگەن بولاتىن.
80 كەلٸگە دەيٸنگٸ سالماقتا بەسەكەلەستٸك جوعارى دەڭگەيدە ٶتتٸ. بۇل سالماقتا پاريج-2024 وليمپياداسىنىڭ كٷمٸس جٷلدەگەرٸ نۇربەك ورالباي ەل نامىسىن قورعادى. ونىڭ قارسىلاستارى قاتارىندا راحيم گونسالەس (اقش), ۆاندەرلەي پەرەيرا (برازيلييا), سەزار يوجەرلەن (فرانتسييا), جاۆوحير ۋمماتاليەۆ (ٶزبەكستان) سىندى مىقتىلار بولدى. دەگەنمەن نۇربەكتٸڭ وليمپياداداعى كٷمٸسٸ ونى فاۆوريتتەردٸڭ قاتارىنا قوستى.
50 كەلٸگە دەيٸنگٸ سالماقتا سانجار تەشكەنباي قارسىلاس شاق كەلتٸرمەي ٶنەر كٶرسەتتٸ. ال 55 كەلٸگە دەيٸنگٸ سالماقتا ماحمۇد سابىرحاننىڭ باستى قارسىلاسى دومينيكاندىق دجۋنيور الكانتارا بولسا, ٶزبەك ميرازيزبەك ميرزاحاليلوۆ تا جٷلدە ٷشٸن كٷرەستٸ.
60 كەلٸگە دەيٸنگٸ سالماقتا ٶزبەكستاندىق ابدۋماليك حولوكوۆ ٶنەر كٶرسەتٸپ, ونىڭ باستى قارسىلاسى پاريج-2024 وليمپياداسىنىڭ كٷمٸس جٷلدەگەرٸ مۋناربەك سەيتبەك ۋۋلۋ بولدى.
70 كەلٸگە دەيٸنگٸ سالماقتا قازاقستاننىڭ جاس جۇلدىزى تٶرەحان سابىرحان العاش رەت ەرەسەكتەر اراسىنداعى ەلەم چەمپيوناتىنا قاتىسىپ, فاۆوريتتەردٸڭ قاتارىنان كٶرٸندٸ.
75 كەلٸگە دەيٸنگٸ سالماقتا ەمبەباپ بوكسشى سابىرجان اققالىقوۆ ەلەم چەمپيونى اتاعى ٷشٸن كٷرەستٸ. ەلەم كۋبوگى كەزەڭٸندەگٸ جەڭٸسٸنەن كەيٸن ونىڭ فاۆوريت اتانۋى زاڭدى بولدى.
85 كەلٸگە دەيٸنگٸ سالماقتا 2019 جىلعى ەلەم چەمپيونى بەكزات نۇردەۋلەتوۆ تەجٸريبەسٸن پايدالانىپ, قايتادان جەڭٸس تۇعىرىنا كٶتەرٸلۋگە تىرىستى. بۇل سالماقتا ٶزبەك اكمولجون يسرويلوۆ پەن ٷندٸستاندىق دجۋگنۋ دا التىن ٷشٸن تالاستى.
90 كەلٸگە دەيٸنگٸ سالماقتا ساعىندىق توعامباي باق سىنادى. بۇعان دەيٸن استانادا ٶتكەن ەلەم كۋبوگىندا يساياس سانتوس ريبەيرۋ فيلو وسى سالماقتا چەمپيون اتانعان ەدٸ. سونداي-اق امەريكالىق دجوردج مالاچي دە تەحنيكالىق شەبەرلٸگٸمەن كٶزگە تٷستٸ.
ساراپشىلار بۇل دودادا مەدالداردى قازاقستان, ٶزبەكستان جەنە كۋبا قۇرامالارى ٶزارا بٶلٸسٸپ الادى دەپ بولجاعان. ٶيتكەنٸ سوڭعى 2023 جىلعى ەلەم چەمپيوناتىندا ٶزبەكستان 5 التىن, قازاقستان 4 التىن, كۋبا 1 التىن جەڭٸپ العان بولاتىن.
جالپى ەلەم بٸرٸنشٸلٸگٸ 14 قىركٷيەككە دەيٸن جالعاستى.
7 التىن
قازاقستان قۇراماسى دٷبٸرلٸ دودادا ون مەدالعا قول جەتكٸزدٸ. ونىڭ جەتەۋٸ التىن بولىپ, جالپىكوماندالىق ەسەپتە بٸرٸنشٸ ورىنعا تۇراقتادى. قورجىنىمىزدا جەتٸ التىن, بٸر كٷمٸس جەنە ەكٸ قولا جٷلدە بار.
ەكٸنشٸ ورىنعا التى التىن, ەكٸ كٷمٸس جەنە ٷش قولا ەنشٸلەگەن ٶزبەكستان قۇراماسى جايعاستى. ال ٷشٸنشٸ ورىن ٷندٸستانعا بۇيىرىپ, ولار ەكٸ التىن, بٸر كٷمٸس پەن بٸر قولانى يەلەندٸ.
ايتا كەتەيٸك, قازاقستان ەلەم چەمپيوناتىن جەتٸ التىن مەدالمەن تٷيٸندەدٸ. چەمپيون اتانعاندار: الۋا بالقىبەكوۆا (51 كەلٸگە دەيٸن), سانجار تەشكەنباي (50 كەلٸگە دەيٸن), ماحمۇد سابىرحان (55 كەلٸگە دەيٸن), ايدا ەبٸكەەۆا (65 كەلٸگە دەيٸن), ناتاليا بوگدانوۆا (70 كەلٸگە دەيٸن) جەنە تٶرەحان سابىرحان (70 كەلٸگە دەيٸن).
نازىم قىزايباي (48 كەلٸگە دەيٸن) كٷمٸس جٷلدە يەگەرٸ اتانسا, ۆيكتورييا گرافەەۆا (60 كەلٸگە دەيٸن) مەن ەلدانا تەلٸپوۆا (80 كەلٸدەن جوعارى) قولا جٷلدەمەن قۋانتتى.
فينالعا شولۋ
فينالعا دەيٸن سٷرٸنبەي جەتكەن ايبەك
ايبەك ورالباي ۇلىبريتانييادا ٶتكەن ەلەم چەمپيوناتىندا توپ جارىپ, التىن مەدال يەلەندٸ. ول 90 كەلٸدەن جوعارى سالماقتا فينالعا دەيٸن سٷرٸنبەي جەتتٸ. شەشۋشٸ جەكپە-جەكتە ايبەك ٶزبەكستاندىق جاحونگير زوكيروۆپەن كەزدەستٸ. العاشقى ەكٸ راۋندتا قارسىلاسى باسىمدىق كٶرسەتكەنٸمەن, قازاقستاندىق بوكسشى سوڭعى ٷشٸنشٸ كەزەڭدە جٸگەر تانىتىپ, جەڭٸستٸ جۇلىپ الدى.
نەتيجەسٸندە ايبەك ورالباي (90 كەلٸدەن جوعارى) ەلەم چەمپيوناتىنىڭ التىن جٷلدەگەرٸ اتاندى.
اعايىندىلاردىڭ جەڭٸسٸ
قازاقستاندىق جاس بوكسشى تٶرەحان سابىرحان ليۆەرپۋلدە (ۇلىبريتانييا) ٶتكەن ەلەم چەمپيوناتىندا التىن مەدال يەلەندٸ. ول 70 كەلٸگە دەيٸنگٸ سالماقتا قارسىلاس شاق كەلتٸرمەي ٷزدٸك شىقتى. فينالدا تٶرەحان جاپوندىق سەۆون وكادزاۆامەن جولىعىپ, تەڭ دەرەجەدە ٶتكەن جەكپە-جەكتە سوڭعى راۋندتا باسىمدىق تانىتىپ, جەڭٸستٸ جۇلىپ ەكەتتٸ. وسىلايشا, 19 جاستاعى تٶرەحان سابىرحان ەرەسەكتەر اراسىنداعى العاشقى ەلەم چەمپيوناتىندا-اق التىننان القا تاقتى.
ال ونىڭ اعاسى ماحمۇد سابىرحان دا ەل ٷمٸتٸن اقتاپ, چەمپيون اتاندى. ليۆەرپۋلدە ٶتكەن دٷبٸرلٸ دودادا ول 55 كەلٸگە دەيٸنگٸ سالماقتا فينالدا يسپاندىق رافاەل لوسانو سەررانونى جەڭدٸ. ٷش راۋند بويى ايقىن باسىمدىق كٶرسەتكەن ماحمۇد سابىرحان قارسىلاسىنا ەش مٷمكٸندٸك بەرمەي, التىن مەدالعا قول جەتكٸزدٸ.
سانجاردىڭ جەڭٸسٸ
ەلەم بٸرٸنشٸلٸگٸندە قازاقستاندىق بوكسشى سانجار تەشكەنباي دا جەڭٸس تۇعىرىنا كٶتەرٸلدٸ. 50 كەلٸگە دەيٸنگٸ سالماقتاعى فينالدا ول موڭعولييالىق الدارقحيشيگ باتتۋلگامەن كٷش سىناستى. جەكپە-جەكتٸڭ العاشقى راۋندىنان باستاپ تٸزگٸندٸ ٶز قولىنا العان سانجار ٷش راۋند بويى قارسىلاسىنان باسىم تٷستٸ.
توپ جارعان قىزدار
قازاقستان ەيەلدەر قۇراماسىنىڭ مٷشەسٸ الۋا بالقىبەكوۆا التىن مەدال يەلەندٸ. 51 كەلٸگە دەيٸنگٸ سالماقتا ٶنەر كٶرسەتكەن قازاقستاندىق سپورتشى فينالدا تٷركييالىق بۋسە ناز چاكىروگلۋمەن كٷش سىناستى. قارسىلاسىنا مٷمكٸندٸك بەرمەگەن الۋا شەشۋشٸ جەكپە-جەكتە ايقىن باسىمدىق تانىتىپ, 5:0 ەسەبٸمەن جەڭٸسكە جەتتٸ. وسىلايشا, ول ەكٸ دٷركٸن ەلەم چەمپيونى اتاندى.
الايدا تٶرەشٸ الۋا جەڭٸسكە جەتكەنٸن جارييالاعان سەت تٷركييالىق جاتتىقتىرۋشىعا ۇناماعان سەكٸلدٸ. نەتيجە شىققان كەزدە جاتتىقتىرۋشى اشۋلانىپ, قازاقستان تاراپىنا نارازىلىعىن بٸلدٸرٸپ جاتتى. ونىڭ ناقتى نە دەگەنٸ بەلگٸسٸز. الايدا بۇل سەت تٸكەلەي ەفيرگە تٷسٸپ قالدى.
ەلەم چەمپيوناتىنىڭ فينالىندا توپ جارعان تاعى بٸر قىز – ايدا ەبٸكەەۆا. 65 كەلٸگە دەيٸنگٸ سالماق دەرەجەسٸندە ٶنەر كٶرسەتكەن بۇرىمدى بوكسشىمىز فينالدا ٶزبەكستاندىق ناۆباحور حاميدوۆامەن جۇدىرىقتاستى. العاشقى ەكٸ راۋندتا قارسىلاسى ۇپاي جاعىنان باسىمدىق تانىتقانىمەن, شەشۋشٸ كەزەڭدە ايدا تاماشا بوكس ٷلگٸسٸن كٶرسەتٸپ, جاعدايدى ٶز پايداسىنا بۇرا الدى.
نەتيجەسٸندە ول جەڭٸستٸ جۇلىپ الىپ, ەكٸ دٷركٸن ەلەم چەمپيونى اتاعىنا قول جەتكٸزدٸ.
ال 70 كەلٸگە دەيٸنگٸ سالماق دەرەجەسٸندە سىنعا تٷسكەن قازاقستاندىق ناتاليا بوگدانوۆا ٶز قارسىلاستارىنا ەش مٷمكٸندٸك بەرگەن جوق.
فينالدا ول اۋسترالييالىق لەكەيشا پەرگوليتيمەن كەزدەسٸپ, ايقىن باسىمدىق تانىتتى. جەكپە-جەكتە تولىق ٷستەمدٸك قۇرعان ناتاليا ەش قيىندىقسىز جەڭٸسكە جەتٸپ, التىن مەدال يەلەندٸ.
سونىمەن قاتار, نازىم قىزايباي (48 كەلٸگە دەيٸن) كٷمٸس جٷلدەگەر اتاندى. ۆيكتورييا گرافەەۆا (60 كەلٸگە دەيٸن) مەن ەلدانا تەلٸپوۆا (80 كەلٸدەن جوعارى) قولا جٷلدەمەن ەرەكشەلەندٸ.
بەلگٸلٸ بوكس مەنەدجەرٸ بولات مانكەنوۆ قازاقستاندىق سپورتشىلاردى جەڭٸسٸمەن قۇتتىقتادى.
"باپكەرلەردٸ,بوكسشىلاردى,فەدەراتسييا ۇيىمىنىڭ قىزمەتكەرلەرٸن قۇتتىقتايمىز. الداعى بولاتىن وليمپيادا ويىندارىندا وسىنداي دەرەجەدە ٶنەر كٶرسەتۋگە تاۋسىلماس قۋات,دەنساۋلىق,قاجىماس ەڭبەكپەن شەبەرلٸك تٸلەيمٸز", - دەيدٸ مانكەنوۆ.
سونىمەن قاتار, جاتتىقتىرۋشى تۇرسىنعالي ەدٸلوۆ بوكسشىلاردىڭ ٶنەرٸنە پٸكٸر بٸلدٸرگەن بولاتىن.
سۋرەتتەر: ۇلتتىق وليمپيادا كوميتەتٸنەن
