جۋىردا اقتوبەدە بەس بالا پرەزيدەنت پەن قازاقستاندىقتاردان كومەك سۇراپ، ۆيدەوۇندەۋ جاريالاعان ەدى. بالالاردىڭ ايتۋىنشا، اناسى ءبىر كۇننىڭ ىشىندە ءماجبۇرلى تۇردە پسيحياتريالىق اۋرۋحاناعا جاتقىزىلىپ، ال وزدەرى ورتالىققا جىبەرىلگەن. اقتوبە وبلىسىنىڭ اكىمى اسحات شاحاروۆ بالالاردىڭ قاۋىپسىزدىگىن قامتاماسىز ەتۋ ماسەلەسىنە ەرەكشە نازار اۋدارىپ، بارلىق دەڭگەيدە كەشەندى شارا قابىلداۋدى مىندەتتەدى، دەپ حابارلايدى Dalanews.kz.
اپپارات ماجىلىسىندە اسحات شاحاروۆ وتكەن اپتادا كامەلەتكە تولماعاندارعا قاتىستى بولعان وقيعالاردى اتاپ ءوتىپ، بۇل جاعدايلاردى تەرەڭ زەردەلەپ، جان-جاقتى تالداۋ جۇرگىزۋ قاجەت ەكەنىن ايتقان.
ايماق باسشىسى قۇزىرلى ورگاندارعا وبەكتيۆتى تەرگەۋ جۇرگىزۋدى جانە كامەلەتكە تولماعانداردىڭ قۇقىقتارىنىڭ بۇزىلۋىنا ءادىل قۇقىقتىق باعا بەرۋدى تاپسىرعان. سونىمەن قاتار، بالالاردىڭ قاۋىپسىزدىگىن قامتاماسىز ەتۋ باعىتىنداعى الدىن الۋ شارالارىن كۇشەيتىپ، ءتيىستى مەكەمەلەردىڭ جاۋاپكەرشىلىگىن ارتتىرۋدى تالاپ ەتكەن.
سونداي-اق، وبلىس اكىمىنىڭ تاپسىرماسىنا سايكەس اقتوبە قالاسىنىڭ اكىمدىگى وتباسىنى باسپانامەن قامتاماسىز ەتۋ ماسەلەسىن شەشۋگە ءتيىس.
