جامبىلدا ەسەكتەر جايلاۋدى جايپاپ تاستاعان، دەپ حابارلايدى Dalanews.kz.

بۇل تۋرالى مەنشىكتى جۋرناليست نۇرادين راقاي جازدى. 

"جامبىلدىڭ ەسەكتەرى جاراپ تۇر. جۇرتى جىلاپ ءجۇر. قىتايلىق ينۆەستور ەسەكپەن اق ەلدى-مەكەندەردى جاۋلاپ الدى. اڭكىسى اقىرىپ، مەكىشى باقىرىپ ەن دالادا ەركىن جۇرگەن 3 مىڭ ەسەك جايلاۋ بىتكەندى جايپاپ تاستاعان. ەكى اۋداننىڭ اۋىلدارىنا اۋىز سالعان. قۇنى 3.5 ملرد تەڭگەنىڭ جوباسى بويىنشا سۇتىنەن ءدارى، ەتىنەن ازىق، تەرىسىنەن تاۋار ەكسپورتتاۋعا قۇلىقتى قىتايعا، جەرگىلىكتى بيلىك جەر بەرمەدىك دەيدى. ءبىراق بەرسەڭ قولىڭنان، بەرمەسەڭ جولىڭنان قىلعان اۋ"، - دەيدى جۋرناليست. 

ءقازىر بايزاق پەن تالاس اۋداندارىنىڭ بىرنەشە اۋىلىن ەسەك باسىپ العان. ءورىس بىتكەن ولەكسە دەيدى جۇرت.

"ويتكەنى جەردىڭ بەتى تىپ-تيپىل. مۇنشا كولەمدەگى ەسەك شابىندىقتىڭ شاڭىن، شۇرايلى جەردىڭ قۇتىن قاشىرعان. ازايىپ جاتقان ەسەك جوق. ءار ايماقتان 25-30 مىڭعا ەسەك ساتىپ الىپ، كوبەيگەن ۇستىنە كوبەيىپ جاتىر. ەشكىم باقپايدى. اكەلەدى، باسى اۋعان جاققا جىبەرە سالادى. مىڭعىرعان ەسەك ءتىپتى مەملەكەتتىڭ باقىلاۋىنداعى ورمان القابىن جەرمەن جەكسەن ەتكەن"، - دەيدى ول.

سونىمەن ءواتار، تالاس وزەنىندە ءولىپ جاتقان ەسەك سانىنىڭ ەسەبى جوق.

"ال ول سۋمەن قانشا اۋىل سۋ ىشەدى. بەرىسى، شاحان، بوستاندىق، تالاپتى. اياعى تۇركىستان بارىپ تىرەلەدى. ءاي دەپ جاتقان ەكولوگ جوق، قوي دەپ جاتقان ۆەت ينسپەكسيا جوق. باس قاتىرعان بيلىك جوق. وسى جەر بەرمەدىك دەپ الداي سالمادى ما ەكەن دەگەن وي كەلەدى. ەندىگى جەردە ەسەك ءۇشىن ەلدى-مەكەندەردى كوشىرمەسە تىرشىلىك تۇرالادى دەيدى تۇرعىندار. مىنا احۋالمەن اۋرۋ تاراسا الاپات ەپەدەميا بولارى ءسوزسىز. وسىلايشا، ەسەكپەن جاۋلاۋ وپەراسياسى اتا-قونىستان ايىرۋعا اينالعان. قۇتى قاشقان كوپ كومەك سۇرايدى.
كەشە جانتاق جەپ كەلدىم دەپ ەم عوي. جۇرت ارقالاعانىڭ قانە دەپ جاتىر"، - دەيدى جۋرناليست.