جەتىسۋ وبلىسىندا «تازا قازاقستان» باعدارلاماسى اياسىندا رەسپۋبليكا كۇنى قارساڭىندا ەسكەلدى بي، بالپىق بي، قابليسا جىراۋ مەن قابانباي باتىرعا ارنالعان ەسكەرتكىشتەردى جوندەۋ جۇمىستارى اياقتالدى. بۇل ەسكەرتكىشتەر تالدىقورعان قالاسىندا ورناتىلعان. سونىمەن قاتار وبلىس ورتالىعىندا جاڭا سكۆەر پايدالانۋعا بەرىلدى، دەپ حابارلايدى Dalanews.kz.
بۇعان دەيىن قازان ايىنىڭ باسىندا وبلىس اكىمى بەيبىت يسابايەۆ قالانى ارالاۋ بارىسىندا ەسكەلدى بي، بالپىق بي مەن قابليسا جىراۋعا ارنالعان «ءۇش اتا» ەسكەرتكىشىن قالپىنا كەلتىرۋ جۇمىستارىنا قاتىستى ءبىرقاتار ەسكەرتپەلەر ايتقان بولاتىن. مۇنان كەيىن مەردىگەر ۇيىم تاراپىنان ءتيىستى شارالار قابىلداندى، اتاپ ايتقاندا برۋسچاتكالار اۋىستىرىلىپ، ساتىنىڭ گرانيت تاستارى قايتادان توسەلدى. ءمۇسىننىڭ بوياۋى جاڭارتىلدى، ەسكەرتكىشتىڭ ماڭايى اباتتاندىرىلدى، جارىق شامدارى ورناتىلدى.
سول سياقتى قابانباي باتىر ەسكەرتكىشىنىڭ دە گرانيت قاپتامالارى اۋىستىرىلىپ، جازبالارى جاڭعىرتىلدى، مونۋمەنتى مەن ورىندىقتار بويالدى.
اتقارىلعان جۇمىستاردىڭ ساپاسىمەن قالا اكىمى ەرنات ءبازىل جانە ارداگەرلەر مەن قوعامدىق كەڭەس مۇشەلەرى تانىستى. ارداگەرلەر مادەني مۇرالارىمىزدى ساقتاۋدىڭ ماڭىزى زور ەكەنىن تىلگە تيەك ەتىپ، ەسكەرتكىشتەردى جاڭعىرتقان قۇرىلىسشىلارعا ريزاشىلىعىن ءبىلدىردى.
- اتا-بابالارىمىزعا قۇرمەت كورسەتۋ – ءبىزدىڭ قاسيەتتى بورىشىمىز. اتا-بابا مۇراسىن ناسيحاتتاپ، ەلىمىزدىڭ تاريحىن تەرەڭىرەك ءتانىپ-بىلۋىمىز قاجەت، - دەدى ارداگەر جۋرناليست، «الاش» سىيلىعىنىڭ يەگەرى امىرە ءارىن.
اتاپ وتسەك، وبلىستا جىل باسىنان بەرى ۇلى وتان سوعىسى ارداگەرلەرىنىڭ قۇرمەتىنە ارنالعان 112 ەسكەرتكىش اعىمداعى جوندەۋدەن وتكىزىلگەن.
وسى كۇنى وبلىس ورتالىعىنىڭ «بىرلىك» شاعىن اۋدانىندا 0،62 گا بولاتىن جاڭا سكۆەر پايدالانۋعا بەرىلدى. وندا اۆتوماتتى سۋارۋ جۇيەسى، جارىق شامدارى ورناتىلىپ، گازون توسەلگەن. اتكەنشەكتەر، ورىندىقتار، بەسەدكالار، بالالار ويىن الاڭى بار. وسى سكۆەردە كۇزگى ۋاقىتتا 175 جاپىراقتى جانە قىلقان جاپىراقتى اعاش ەگىلەدى دەپ جوسپارلانىپ وتىر. بۇل تۇرعىندار ءۇشىن قولايلى دەمالىس ورنى بولماق.
«بىرلىك» شاعىن اۋدانىنىڭ تۇرعىندارى سكۆەردىڭ اشىلعانىنا قۋانىپ وتىر.
- ءتورت جىل بۇرىن وسىندا كوشىپ كەلدىم. ەندى ءۇيدىڭ جانىندا كەرەمەت پاركىمىز بار، ەندى ول تازا اۋادا وتىرىپ تىنىعۋعا بولاتىن دەمالىس ورنىمىز بولادى. مەكتەپ تە پارككە وتە جاقىن ورنالاسقان. ءتۇرعىنداردىڭال-اۋقاتىنا كوڭىل ءبولىپ جاتقان بارشا ازاماتتارعا ۇلكەن العىسىمدى بىلدىرەمىن، – دەدى شاعىن اۋدان تۇرعىنى نازگۇل نۇرلان قىزى.
