اباي وبلىسىندا پروكۋراتۋرا «سەمەي ورمانى» فيليالىنىڭ قىزمەتٸندە زاڭبۇزۋشىلىقتاردى انىقتادى, دەپ حابارلايدى Dalanews.kz.
بورودۋليحا اۋدانى پروكۋراتۋراسىنىڭ قاداعالاۋ نەتيجەسٸندە «سەمەي ورمانى» فيليالىنا زاڭ بۇزعان تۇلعالاردىڭ جۇمىسقا قابىلدانعانى انىقتالدى. اتاپ ايتقاندا, بۇرىن زاڭسىز اعاش كەسۋ جەنە بٶتەن مٷلٸكتٸ ۇرلاۋ فاكتٸلەرٸ بويىنشا جاۋاپكەرشٸلٸككە تارتىلعان ادامدار جۇمىسقا ورنالاسقان. سونداي-اق جٷرگٸزۋشٸ كۋەلٸگٸنەن ايىرىلعان ارنايى تەحنيكا جٷرگٸزۋشٸسٸ دە ەڭبەككە قابىلدانعان.
وسىلايشا, ورمان دايىنداۋدىڭ زاڭدىلىعىن باقىلاۋ مٸندەتٸ بۇعان دەيٸن مٷلٸكتٸك جەنە ٶزگە دە قىلمىستار ٷشٸن سوتتالعان ٶندٸرٸستٸك ۋچاسكە شەبەرٸنە جٷكتەلگەن.
بۇدان بٶلەك, دايىندالعان اعاشتىڭ ساناتىن زاڭسىز ارزانىراق تٷرگە ٶزگەرتۋ فاكتٸسٸ تٸركەلگەن, بۇل ٶنٸم قۇنىنىڭ تٶمەندەۋٸنە الىپ كەلگەن.
فيليال باسشىلىعىنىڭ جۇمىسىن تيٸسٸنشە ۇيىمداستىرماۋى مەن ەرەكەتسٸزدٸگٸ سالدارىنان 2024 جىلدىڭ سوڭىنا قاراي 4 مىڭ تەكشە مەتردەن استام دايىندالعان اعاش ٸسكە اسىرىلماي, 80 ملن تەڭگەدەن استام قارجى جوعالتىلعان. بۇل قاراجات كەسٸپورىننىڭ 75 ملن تەڭگە كٶلەمٸندەگٸ سالىق بەرەشەگٸن تولىق ٶتەۋگە مٷمكٸندٸك بەرەر ەدٸ.
اۋدان پروكۋراتۋراسىنىڭ قاداعالاۋ اكتٸسٸنٸڭ نەگٸزٸندە اتالعان قىزمەتكەرلەرمەن ەڭبەك شارتتارى بۇزىلدى. دايىندالعان اعاشتى ٶتكٸزۋ جەنە سالىق بەرەشەگٸن ٶتەۋ بويىنشا شارالار قابىلداندى. فيليال ديرەكتورى قاتاڭ سٶگٸس تٷرٸندەگٸ تەرتٸپتٸك جاۋاپكەرشٸلٸككە تارتىلىپ, كەيٸن قىزمەتٸنەن بوساتىلدى.
بورودۋليحا اۋدانى پروكۋراتۋراسى ورمان زاڭناماسىنىڭ جەنە ەرەكشە قورعالاتىن تابيعي اۋماقتار تۋرالى زاڭنامانىڭ ساقتالۋىن ەرەكشە باقىلاۋدا ۇستايدى.
ەسكە سالايىق, بۇعان دەيٸن «سەمەي ورمانى» فيليالىنىڭ باسشىسى ٶرتتٸ سٶندٸرۋدەگٸ سالعىرتتىق ٷشٸن جاۋاپقا تارتىلعان بولاتىن.
