الماتىدا ينجەنەرلىك ينفراقۇرىلىمدى جاڭعىرتۋ بەلسەندى تۇردە جۇرگىزىلۋدە، – دەپ حابارلايدى Dalanews.kz قالالىق ەنەرگەتيكا جانە سۋمەن جابدىقتاۋ باسقارماسىنا سىلتەمە جاساپ.
2025 جىلى 260 كم جاڭا جەلى سالىنىپ، 87 كم جەلى جاڭعىرتۋ جوسپارلانعان. وتكەن جىلدىڭ 9 ايىندا 219 كم جاڭا سۋمەن قامتۋ جانە سۋ بۇرۋ جەلىلەرى سالىنسا، 29،3 كم قولدانىستاعى جەلىلەر جاڭعىرتىلعان.
سونداي-اق، 2025 جىلى 123 كم ەلەكترمەن جابدىقتاۋ جەلىلەرى رەكونسترۋكسيادان وتەدى. بۇعان قوسا، الماتى قالاسىنىڭ ەلەكتر جەلىلەرىن 2030 جىلعا دەيىن جانە 2040 جىلعا دەيىنگى پەرسپەكتيۆامەن دامىتۋ سحەماسى ازىرلەنگەن.
2024 جىلى ساپالى جىلۋمەن قامتاماسىز ەتۋ ءۇشىن قالادا 20 كم جەلى جاڭارتىلدى. قازىرگى جىلىتۋ ماۋسىمى قالىپتى رەجيمدە، ەشقانداي ىركىلىسسىز وتۋدە. جالپى، 404 ءبىلىم بەرۋ نىسانى، 128 دەنساۋلىق ساقتاۋ مەكەمەسى جانە 8 863 تۇرعىن ءۇي جىلۋمەن قامتىلعان.
جالپى، الماتى اكىمى بەرگەن تاپسىرما اياسىندا قالادا ينجەنەرلىك جەلىلەردى جاڭعىرتۋ جانە قايتا قۇرۋ بويىنشا كەشەندى شارالار بەلسەندى تۇردە جۇزەگە اسىرىلۋدا. وسى شارالاردىڭ ناتيجەسىندە 2025 جىلى سۋ قۇبىرلارى جەلىلەرىنىڭ توزۋ دەڭگەيى 52،9%-عا، كارىز جەلىلەرىنىڭ توزۋى 53،8%-عا، ال ەلەكترمەن جابدىقتاۋ جەلىلەرىنىڭ توزۋى 63،3%-عا دەيىن تومەندەيدى.
