الماتى ماڭىنداعى جول اپاتىنان زارداپ شەككەن ءۇندىستاندىق ستۋدەنت اۋرۋحانادا كوز جۇمدى، دەپ حابارلايدى Dalanews.kz.
بۇل تۋرالى ءۇندىستاننىڭ قازاقستانداعى ەلشىلىگى Facebook جەلىسىندەگى رەسمي پاراقشاسىندا مالىمدەدى.
مالىمەتكە سۇيەنسەك، 2001 جىلى تۋعان راحۋل ياداۆ 9 قاڭتاردا تاڭەرتەڭ جانساقتاۋ بولىمىندە كوز جۇمعان. ءقازىر مارقۇمنىڭ دەنەسىن وتانىنا جەتكىزۋ جۇمىستارى جۇرگىزىلىپ جاتىر.
سونداي-اق، وسى جول اپاتىنان قازا تاپقان تاعى ەكى ءۇندىستاندىق ستۋدەنت - كاران پارمار مەن ريشيرادج بايراتتىڭ مايىتتەرى بۇگىن ءۇندىستانعا جونەلتىلگەنى حابارلاندى.
ايتا كەتەيىك، وقيعا 6 قاڭتاردا بولعان. كولىكتە ءۇندىستاننىڭ بەس ازاماتى وتىرعان. تورتەۋى - وڭتۇستىك قازاقستان مەديسينا ۋنيۆەرسيتەتىنىڭ ستۋدەنتتەرى، ال ءبىرى - تۋريست. ولار شىمكەنتتەن الماتىعا جولعا شىققان.
