قازاقستاننىڭ كاسىبي بوكس فەدەراسياسى جانىبەك ءالىمحانۇلىنا قاتىستى جاعداي بويىنشا رەسمي مالىمدەمە جاسادى، دەپ حابارلايدى Dalanews.kz.
فەدەراسيا وكىلدەرىنىڭ ايتۋىنشا، سپورتشى ءىسى اياسىندا ۆ سىناماسىن اشۋ زاڭدىق تۇرعىدان شەشۋشى كەزەڭ بولىپ سانالادى. بۇل تەك بوكسشىنىڭ مانسابىنا عانا ەمەس، ىسكە قاتىسى بار بارلىق تاراپتىڭ ارەكەتتەرىنە قۇقىقتىق باعا بەرۋگە تىكەلەي اسەر ەتەدى.
مالىمدەمەدە قازاقستاننىڭ كاسىبي بوكس فەدەراسياسى حالىقارالىق سپورت قۇقىعىنىڭ نەگىزگى قاعيداتتارىن، اتاپ ايتقاندا كىناسىزدىك پرەزۋمپسياسىن، پروسەستىك ادالدىقتى جانە رەگلامەنتتەردىڭ قاتاڭ ساقتالۋىن ۇستاناتىنى اتاپ وتىلگەن.
فەدەراسيا ۆ سىناماسىنىڭ رەسمي ناتيجەلەرى جاريالانعانعا دەيىن جانىبەك ءالىمحان ۇلى زاڭدى تۇردە كىناسىز دەپ سانالاتىنىن ەسكە سالدى. وسىعان بايلانىستى ايىپتاۋشى سيپاتتاعى كەز كەلگەن جاريا مالىمدەمەلەر پروسەستىڭ ادىلدىگىنە قىسىم كورسەتۋ جانە سپورتشىنىڭ قۇقىقتارىن بۇزۋ رەتىندە باعالاناتىنى ايتىلدى.
سونداي-اق ۆ سىناماسىن اشۋ مەن تالداۋ بەكىتىلگەن راسىمدەرگە تولىق سايكەس جۇرگىزىلۋى، ال سپورتشى مەن ونىڭ وكىلدەرى پروسەستىڭ بارلىق كەزەڭدەرى مەن ناتيجەلەرىنە قول جەتكىزۋى ءتيىس ەكەنى تالاپ ەتىلەدى. رەگلامەنتتەن كەز كەلگەن اۋىتقۋ ناتيجەلەردى جارامسىز دەپ تانۋعا نەگىز بولۋى مۇمكىن.
فەدەراسيا جانىبەك ءالىمحانۇلىن تىركەلگەن كاسىبي بوكسشى رەتىندە قورعاۋدى جالعاستىراتىنىن جانە ونىڭ قۇقىقتارى مەن بەدەلىن قورعاۋ ءۇشىن بارلىق زاڭدى تەتىكتەردى قولداناتىنىن مالىمدەدى. ەگەر ۆ سىناماسى تازا دەپ تانىلسا، بارلىق ايىپتاۋلاردى رەسمي تۇردە الىپ تاستاۋ، سپورتشىنىڭ بەدەلىن جاريا تۇردە قالپىنا كەلتىرۋ جانە ءىس بارىسىندا جاسالعان ارەكەتتەرگە قۇقىقتىق باعا بەرۋ تالاپ ەتىلەدى.
ال ەگەر بۇزۋشىلىقتار زاڭدى ءارى دالەلدى تۇردە انىقتالسا، فەدەراسيا شەشىمدەردى قولدانىستاعى رەگلامەنتتەر اياسىندا قابىلدايتىنىن حابارلادى.
مالىمدەمە سوڭىندا فەدەراسيا وكىلدەرى باستى قاعيدا ەموسيا ەمەس، قۇقىق ەكەنىن اتاپ ءوتىپ، تەك زاڭعا ساي الىنعان ۆ سىناماسىنىڭ ناتيجەسى عانا تۇپكىلىكتى قورىتىندى جاساۋعا نەگىز بولاتىنىن جەتكىزدى.
