مەملەكەت باسشىسى قازاقستان رەسپۋبليكاسىنىڭ قۇرىلىس كودەكسىنە قول قويدى، دەپ حابارلايدى Dalanews.kz.
قۇجاتقا سايكەس، ساۋلەت سالاسىنداعى ۋاكىلەتتى ورگاننىڭ قۇزىرەتىنەن مەملەكەتتىك ساراپتاما ۇيىمى كورسەتەتىن كونسۋلتاسيالىق قىزمەتتەردىڭ ءتارتىبى مەن قۇنىن رەتتەيتىن قاعيدالاردى ازىرلەۋ جانە بەكىتۋ الىنىپ تاستالادى. سونداي-اق رەسپۋبليكالىق ماڭىزى بار قالالار، استانا جانە وبلىستاردىڭ باس ساۋلەتشىلەرىن تاعايىنداۋدى كەلىسۋ تۋرالى نورما جويىلادى.
وزگە وزگەرىستەر قاتارىندا اۋدان اكىمدىكتەرىنىڭ جەر ۋچاسكەلەرىن بەرۋ قۇقىعىنان ايىرىلۋى، مەردىگەرگە مەنشىك يەسىمەن تەڭ دارەجەدە قۇرىلىس نىسانىن بۇزۋ تۋرالى شەشىم قابىلداۋعا مۇمكىندىك بەرەتىن ەرەجەنى الىپ تاستاۋ، سونداي-اق سەل، كوشكىن جانە قار كوشكىنى ءقاۋپى كارتالارىن قولدانۋدى 2030 جىلعا دەيىن ۋاقىتشا توقتاتا تۇرۋ جونىندەگى نورمانى ناقتىلاۋ بار.
سونىمەن قاتار، مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساۋلەت، قالا قۇرىلىسى جانە قۇرىلىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
