Memleket basshysy Qazaqstan Respýblikasynyń Qurylys kodeksine qol qoidy, dep habarlaidy Dalanews.kz.
Qujatqa sáikes, sáýlet salasyndaǵy ýákiletti organnyń quzyretinen memlekettik saraptama uiymy kórsetetin konsýltatsiialyq qyzmetterdiń tártibi men qunyn retteitin qaǵidalardy ázirleý jáne bekitý alynyp tastalady. Sondai-aq respýblikalyq mańyzy bar qalalar, astana jáne oblystardyń bas sáýletshilerin taǵaiyndaýdy kelisý týraly norma joiylady.
Ózge ózgerister qatarynda aýdan ákimdikteriniń jer ýchaskelerin berý quqyǵynan aiyrylýy, merdigerge menshik iesimen teń dárejede qurylys nysanyn buzý týraly sheshim qabyldaýǵa múmkindik beretin erejeni alyp tastaý, sondai-aq sel, kóshkin jáne qar kóshkini qaýpi kartalaryn qoldanýdy 2030 jylǵa deiin ýaqytsha toqtata turý jónindegi normany naqtylaý bar.
Sonymen qatar, memleket basshysy «Qazaqstan Respýblikasynyń keibir zańnamalyq aktilerine sáýlet, qala qurylysy jáne qurylys máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy.
