بۇگىن استانادا الەۋمەتتىك جەلى ارقىلى ۇلىنىڭ ەمىنە 1،3 ملرد تەڭگە جيناعان تولقىن جانە داۋلەت توتاقانوۆتارعا قاتىستى اتىشۋلى ءىس بويىنشا ۇكىم جاريالاندى، دەپ حابارلايدى Dalanews.kz.

سوت ەكەۋىن دە ينتەرنەت-الاياقتىق جانە اقشا جىلىستاتۋ باپتارى بويىنشا كىنالى دەپ تانىدى.

ۇكىم:

• ءارقايسىسىنا 7 جىل باس بوستاندىعىنان ايىرۋ جازاسى تاعايىندالدى.

• 10 جىلعا قايىرىمدىلىقپەن اينالىسۋعا جانە قاراجات جيناۋعا تىيىم سالىندى.

• مۇلكى تاركىلەنەدى (پاركينگ، 2022 جىلعى Hyundai Sonata، قوسشىداعى جەر تەلىمى).

• جابىرلەنۋشىلەرگە كەلتىرىلگەن شىعىندى وتەۋ (10 مىڭ تەڭگەدەن 6 ملن تەڭگەگە دەيىن) جانە ءارقايسىسىنان جابىرلەنۋشىلەر قورىنا 20 اەك ءوندىرىپ الۋ.

تولقىننىڭ كامەلەتكە تولماعان بالاسى بار بولعاندىقتان، وعان جازانى وتەۋ 2 جىلعا كەيىنگە قالدىرىلدى.

تەرگەۋ نۇسقاسىنا سايكەس، بالانىڭ ەمىنە نەبارى 6،4 ملن تەڭگە جۇمسالعان، ال قالعان قاراجات ءباس تىگۋگە، ءسان-سالتاناتتى ومىرگە، جىلجىمايتىن مۇلىك پەن دەپوزيتتەرگە كەتكەن. ەرلى-زايىپتىلار ءوز كىناسىن مويىنداعان جوق.