Búgin Astanada áleýmettik jeli arqyly ulynyń emine 1,3 mlrd teńge jınaǵan Tolqyn jáne Dáýlet Totaqanovtarǵa qatysty atyshýly is boıynsha úkim jarıalandy, dep habarlaıdy Dalanews.kz.
Sot ekeýin de ınternet-alaıaqtyq jáne aqsha jylystatý baptary boıynsha kináli dep tanydy.
Úkim:
-
Árqaısysyna 7 jyl bas bostandyǵynan aıyrý jazasy taǵaıyndaldy.
-
10 jylǵa qaıyrymdylyqpen aınalysýǵa jáne qarajat jınaýǵa tyıym salyndy.
-
Múlki tárkilenedi (parkıng, 2022 jylǵy Hyundai Sonata, Qosshydaǵy jer telimi).
-
Jábirlenýshilerge keltirilgen shyǵyndy óteý (10 myń teńgeden 6 mln teńgege deıin) jáne árqaısysynan Jábirlenýshiler qoryna 20 AEK óndirip alý.
Tolqynnyń kámeletke tolmaǵan balasy bar bolǵandyqtan, oǵan jazany óteý 2 jylǵa keıinge qaldyryldy.
Tergeý nusqasyna sáıkes, balanyń emine nebári 6,4 mln teńge jumsalǵan, al qalǵan qarajat bás tigýge, sán-saltanatty ómirge, jyljymaıtyn múlik pen depozıtterge ketken. Erli-zaıyptylar óz kinásin moıyndaǵan joq.
