قازاقستاننىڭ ەكس-پرەزيدەنتىنىڭ نەمەرە ءىنىسى قايرات ساتىبالدى الماتىداعى ەسەنتاي وزەنىنىڭ بويىندا ورنالاسقان ءقوناقۇي عيماراتىن مەملەكەت مەنشىگىنە وتكىزدى. بۇل تۋرالى مەملەكەتتىك مۇلىك جانە جەكەشەلەندىرۋ دەپارتامەنتى «ۆلاست» باسىلىمىنىڭ سۇراۋىنا بەرگەن جاۋابىندا مالىمدەدى، دەپ حابارلايدى Dalanews.kz.
ۆەدومستۆونىڭ دەرەگىنشە، نىسان مەملەكەتكە سىيعا تارتۋ شارتى ارقىلى بەرىلگەن.
اتالعان عيماراتتا Hyatt Hotels & Resorts ءقوناقۇيى 2017 جىلى اشىلۋى ءتيىس بولعان، الايدا جوبا سول كۇيى ىسكە قوسىلمادى.
ءقوناقۇي قۇرىلىسى كەزىندە قاستەيەۆ اتىنداعى ونەر مۋزەيى ماڭىنداعى جاسىل ايماق پەن ەكسپوناتتاردىڭ ساقتالۋىنا ءقاۋىپ بار دەگەن الاڭداۋشىلىق ايتىلعان. سوعان قاراماستان، قۇرىلىس سالۋشىدا بارلىق قاجەتتى رۇقسات قۇجاتتارى بولعان.
قايرات ساتىبالدى 2022 جىلعى ناۋرىزدا ۇستالىپ، سول جىلدىڭ قىركۇيەگىندە «قازاقتەلەكومنان» قاراجات جىمقىرۋ سحەماسىن ۇيىمداستىردى دەگەن ايىپپەن 6 جىلعا سوتتالعان.
2024 جىلعى 16 تامىزدا وسكەمەن قالاسىنىڭ №2 سوتى كەلتىرىلگەن شىعىن تولىق وتەلگەنىن ەسكەرىپ، ساتىبالدىنىڭ جازاسىن باس بوستاندىعىنان ايىرۋدان بوستاندىقتى شەكتەۋ تۇرىنە اۋىستىردى.
