Qazaqstannyń eks-prezidentiniń nemere inisi Qairat Satybaldy Almatydaǵy Esentai ózeniniń boiynda ornalasqan qonaqúi ǵimaratyn memleket menshigine ótkizdi. Bul týraly Memlekettik múlik jáne jekeshelendirý departamenti «Vlast» basylymynyń suraýyna bergen jaýabynda málimdedi, dep habarlaidy Dalanews.kz.
Vedomstvonyń dereginshe, nysan memleketke syiǵa tartý sharty arqyly berilgen.
Atalǵan ǵimaratta Hyatt Hotels & Resorts qonaqúii 2017 jyly ashylýy tiis bolǵan, alaida joba sol kúii iske qosylmady.
Qonaqúi qurylysy kezinde Qasteev atyndaǵy óner mýzeii mańyndaǵy jasyl aimaq pen eksponattardyń saqtalýyna qaýip bar degen alańdaýshylyq aitylǵan. Soǵan qaramastan, qurylys salýshyda barlyq qajetti ruqsat qujattary bolǵan.
Qairat Satybaldy 2022 jylǵy naýryzda ustalyp, sol jyldyń qyrkúieginde «Qazaqtelekomnan» qarajat jymqyrý shemasyn uiymdastyrdy degen aiyppen 6 jylǵa sottalǵan.
2024 jylǵy 16 tamyzda Óskemen qalasynyń №2 soty keltirilgen shyǵyn tolyq ótelgenin eskerip, Satybaldynyń jazasyn bas bostandyǵynan aiyrýdan bostandyqty shekteý túrine aýystyrdy.
