امەريكا قۇراما شتاتتارىنىڭ پرەزيدەنتٸ دونالد ترامپ اقش-تىڭ جاقىندا مەكسيكاداعى ناركوكارتەلدەرگە قارسى ەسكەري سوققىلارىن باستايتىنىن مەلٸمدەدٸ. بۇل تۋرالى ول Fox News تەلەارناسىنىڭ ەفيرٸندە ايتتى, دەپ حابارلايدى Dalanews.kz.
ترامپتىڭ سٶزٸنشە, قازٸرگە دەيٸن سۋ ارقىلى كەلەتٸن 97% ەسٸرتكٸ تاسىمالىن توقتاتىپ ٷلگەرٸلگەن, ال ەندٸگٸ جوسپار - كارتەلدەردٸڭ جەر ٷستٸندەگٸ بازالارى مەن جولدارىنا سوققى بەرۋ.
«ناركوكارتەلدەر مەكسيكانى باقىلاۋدا ۇستاپ وتىر. بۇل ەلدە نە بولعانىن كٶرٸپ تۇرىپ, جان اۋىرتادى», - دەدٸ دونالد ترامپ.
سونىمەن قاتار, اقش پرەزيدەنتٸ امەريكالىق ەسكەرلەر قىركٷيەكتەن باستاپ ۆەنەسۋەلا جاعالاۋىندا ەسٸرتكٸ تاسىمالداۋدا قولدانىلاتىن كەمەلەرگە ەۋە جەنە تەڭٸز شابۋىلدارىن جٷرگٸزٸپ جاتقانىن ايتتى. بۇعان دەيٸن ترامپ لاتىن امەريكاسى مەن كاريب تەڭٸزٸ ايماعىنداعى ناركوكارتەلدەرگە قارسى ەسكەري وپەراتسييانى مەكسيكا مەن كولۋمبييانى دا قامتۋى مٷمكٸن ەكەنٸن جوققا شىعارماعان ەدٸ.
