Amerika Qurama Shtattarynyń prezidenti Donald Tramp AQSh-tyń jaqynda Meksikadaǵy narkokartelderge qarsy áskeri soqqylaryn bastaitynyn málimdedi. Bul týraly ol Fox News telearnasynyń efirinde aitty, dep habarlaidy Dalanews.kz.
Tramptyń sózinshe, qazirge deiin sý arqyly keletin 97% esirtki tasymalyn toqtatyp úlgerilgen, al endigi jospar - kartelderdiń jer ústindegi bazalary men joldaryna soqqy berý.
«Narkokartelder Meksikany baqylaýda ustap otyr. Bul elde ne bolǵanyn kórip turyp, jan aýyrtady», - dedi Donald Tramp.
Sonymen qatar, AQSh prezidenti amerikalyq áskerler qyrkúiekten bastap Venesýela jaǵalaýynda esirtki tasymaldaýda qoldanylatyn kemelerge áýe jáne teńiz shabýyldaryn júrgizip jatqanyn aitty. Buǵan deiin Tramp Latyn Amerikasy men Karib teńizi aimaǵyndaǵy narkokartelderge qarsy áskeri operatsiiany Meksika men Kolýmbiiany da qamtýy múmkin ekenin joqqa shyǵarmaǵan edi.
