Almatyda avtobýs pen Toyota Highlander kóligi soqtyǵysyp, toǵyz adam meditsinalyq kómekke júgindi, dep habarlaidy dalanews.kz.
«Aldyn ala málimet boiynsha, avtobýs baǵdarshamnyń tyiym salatyn signalyna ótip ketken bolýy múmkin», — dep habarlady Almaty qalasynyń politsiia departamenti.
Jol-kólik oqiǵasy Tóle bi dańǵyly men Jumaliev kóshesiniń qiylysynda bolǵan. Aldyn ala málimet boiynsha, 201-baǵyttaǵy avtobýs Tóle bi dańǵylymen batysqa qarai, al Toyota Jumaliev kóshesimen ońtústik baǵytta qozǵalǵan.
Qiylysta kólikter soqtyǵysqan. Oqiǵa ornyna birneshe jedel járdem brigadasy men patrýldik politsiia ekipajdary kelgen.
Politsiia qyzmetkerleri oqiǵa boiynsha bastapqy tergeý amaldaryn júrgizip, birqatar saraptama, sonyń ishinde avtotehnikalyq saraptama taǵaiyndaǵan.
Mamandar jol-kólik oqiǵasynyń naqty qalai bolǵanyn, soqtyǵystyń mán-jaiyn jáne ár qatysýshynyń jaýapkershilik deńgeiin anyqtaidy.
