Ekibastuzda turǵyn úidiń aýlasynda kólik alty jasar balany qaǵyp, ol oqiǵa ornynda qaza tapty, dep habarlaidy dalanews.kz.
Oqiǵa 19 qyrkúiek kúni saǵat 18:30 shamasynda bolǵan.
«Kámeletke tolmaǵan balanyń qaza bolýyna ákep soqqan jol-kólik oqiǵasy faktisi boiynsha politsiia qylmystyq is qozǵady. Oqiǵanyń mán-jaiy men sebepteri tergeý barysynda anyqtalady», — dep habarlady Pavlodar oblysynyń politsiia departamenti.
Qaza bolǵan balanyń týystarynyń aitýynsha, kólik tizgininde qyz bolǵan. Olardyń sózinshe, júrgizýshi aýlada jasandy jol kedergisi bolǵanyna qaramastan joǵary jyldamdyqpen júrgen.
Politsiia málimetinshe, kólik júrgizýshisi ustalǵan.
Qazir politsiia jol-kólik oqiǵasynyń barlyq mán-jaiyn anyqtap jatyr.
