Indoneziianyń Ýmalas aýdanynda shetel azamattaryn tekserý operatsiiasy barysynda Qazaqstan azamaty ustaldy, dep habarlaidy dalanews.kz.
«Olar tórt áieldi, onyń ishinde úsh Resei azamaty men bir Qazaqstan azamatyn ustady», — dep málimdedi Indoneziianyń kóshi-qon qyzmeti.
Antara agenttiginiń málimetinshe, operatsiia 17 qyrkúiekke qaraǵan túni Balidiń Changý, Seminiak jáne Ýmalas týristik aýdandarynda júrgizilgen.
Ýmalasta kóshi-qon qyzmetkerleri Telegram arqyly túsken aqparat negizinde villalardyń birine baqylaý júrgizgen. Nátijesinde úsh Resei azamaty men Qazaqstan azamatynan turatyn tórt áiel ustalǵan.
Keiin osy aýdanda kóshi-qon qyzmetkerleri migratsiialyq erejelerdi buzdy degen kúdikpen Nigeriianyń taǵy tórt azamatyn ustaǵan.
Seminiakta qyzmetkerler jezókshelik qyzmetterin nasihattaý úshin qoldanylǵan degen onlain-platformany anyqtaǵan. Villada Nigeriianyń úsh azamaty ustalyp, olardyń elde bolý ruqsattarynyń merzimi ótip ketkeni anyqtalǵan.
Changý aýdanynda jezókshelik qyzmetin uiymdastyrýǵa kómektesti degen kúdikpen Resei azamaty áiel men Ýkraina azamaty er adam ustalǵan.
Jalpy operatsiia barysynda 12 áiel men bir er adamdy qosa alǵanda, 13 shetel azamaty ustalǵan.
Qazir ustalǵandar Ngýrah-Rai kóshi-qon basqarmasynda jaýap berip jatyr.
Indoneziia kóshi-qon qyzmetiniń málimetinshe, shetel azamattaryna eldiń 2011 jylǵy kóshi-qon týraly zańyn buzdy degen kúdik keltirilip otyr. Olarǵa deportatsiia jáne Indoneziiaǵa bes jylǵa deiin kirýge tyiym salynýy múmkin. Sonymen qatar el zańnamasyna sáikes qylmystyq jaýapkershilik qarastyrylǵan.
Kóshi-qon qyzmeti operatsiianyń Balide shetel azamattarynyń elde bolýyn jáne qyzmetin baqylaý jumystary aiasynda júrgizilgenin habarlady.
