الەۋمەتتىك جەلى قولدانۋشىلارى شىمكەنتتەگى Magnum دۇكەندەرىنىڭ بىرىندە تۇسىرىلگەن ۆيدەونى قىزۋ تالقىلاپ جاتىر، دەپ حابارلايدى Dalanews.kz.
كادرلاردا كۇرىش سالىنعان كونتەينەردىڭ ىشىندە مىسىقتىڭ ءناجىسى بايقالادى، سونداي-اق، ەكى مىسىق جۇرگەنى كورىنەدى.
ساۋدا جەلىسىنىڭ مالىمەتىنشە، مىسىقتار تۇنگى ۋاقىتتا تاۋار قابىلداۋ كەزىندە دۇكەن ىشىنە كىرىپ كەتكەن. تاڭەرتەڭ ساتىپ الۋشىلاردىڭ ءبىرى كۇرىش سالىنعان كونتەينەردى اشىق قالدىرعان، سول ساتتە جانۋار ىشىنە تۇسكەن.
دۇكەن اكىمشىلىگى بارلىق كۇرىش بىردەن الىپ تاستالعانىن، كونتەينەر مەن ساۋدا زالى سانيتارلىق قۇرالدارمەن تولىق وڭدەلگەنىن حابارلادى. كومپانيا ساتىپ الۋشىلاردان كەشىرىم سۇراپ، سانيتارلىق تالاپتار مەن قىزمەتتىك ايماقتارعا جانۋارلاردىڭ كىرۋىنە باقىلاۋدى كۇشەيتكەنىن مالىمدەدى.
سونىمەن قاتار، دۇكەندە وزگە دە تاۋارلارعا قوسىمشا تەكسەرىس جۇرگىزىلىپ، جاۋاپتى قىزمەتكەرلەرگە تارتىپتىك شارا قولدانۋ ماسەلەسى قاراستىرىلىپ جاتقانى بەلگىلى بولدى.
