Áleýmettik jeli qoldanýshylary Shymkenttegi Magnum dúkenderiniń birinde túsirilgen vıdeony qyzý talqylap jatyr, dep habarlaıdy Dalanews.kz.

Kadrlarda kúrish salynǵan konteınerdiń ishinde mysyqtyń nájisi baıqalady, sondaı-aq, eki mysyq júrgeni kórinedi.

Saýda jelisiniń málimetinshe, mysyqtar túngi ýaqytta taýar qabyldaý kezinde dúken ishine kirip ketken. Tańerteń satyp alýshylardyń biri kúrish salynǵan konteınerdi ashyq qaldyrǵan, sol sátte janýar ishine túsken.

Dúken ákimshiligi barlyq kúrish birden alyp tastalǵanyn, konteıner men saýda zaly sanıtarlyq quraldarmen tolyq óńdelgenin habarlady. Kompanıa satyp alýshylardan keshirim surap, sanıtarlyq talaptar men qyzmettik aımaqtarǵa janýarlardyń kirýine baqylaýdy kúsheıtkenin málimdedi.

Sonymen qatar, dúkende ózge de taýarlarǵa qosymsha tekseris júrgizilip, jaýapty qyzmetkerlerge tártiptik shara qoldaný máselesi qarastyrylyp jatqany belgili boldy.