جۇمىس ساپارى بارىسىندا ق ر باس پروكۋراتۋراسى قۇقىقتىق ستاتيستيكا مەن ارنايى ەسەپ جونىندەگى كوميتەتتىڭ ءتوراعاسى باعدات مۋسين جۇرگىزۋشىلەرگە قاجەت قۇجاتتار سانىن قىسقارتاتىن «ە-شترافى» جوباسىن تانىستىردى. ول ءوزىنىڭ سوزىندە يين بويىنشا پلانشەتتەر ارقىلى جۇرگىزۋشى جونىندە بارلىق مالىمەتتى، ونىڭ ىشىندە تەحپاسپورت پەن ساقتاندىرۋ ءپوليسى تۋرالى دا بىلۋگە بولاتىندىعىن جەتكىزدى. بۇل جۇيە ەنگىزىلگەن سوڭ اۆتوجۇرگىزۋشىلەر پوليسيا قىزمەتكەرىنە تەك جۇرگىزۋشى كۋالىگىن كورسەتسە بولعانى. ايىپپۇلدى جۇرگىزۋشىلەر ءدال سول جەردە نەمەسە ءموبيلدى POS-تەرمينالى ارقىلى تولەيدى، اقشا بىردەن اۆتوماتتى تۇردە تولەم جۇيەسىنەن كورىنەدى.
«ەندى حاتتامالاردا نەگىزگى ءۇش كورسەتكىش كورىنىس تابادى، ولار: يين، ءاۆتوموبيلدىڭ مەملەكەتتىك ءنومىرى جانە ءتارتىپ بۇزۋ بابى. بۇدان بىلاي جۇرگىزۋشىلەردىڭ تولىق قۇجاتتارىن الىپ ءجۇرۋى قاجەت ەمەس. جەرگىلىكتى پوليسيامەن جۇيە تەستىلەۋدەن ءوتتى. ءبىز قۇجاتتاردى قاجەت ەتپەيتىن جۇيە بويىنشا جۇمىس ىستەيتىن العاشقى قالانىڭ الماتى بولۋىن ۇسىنامىز»، – دەپ اتاپ ءوتتى ب.مۋسين.
ءوز كەزەگىندە الماتى اكىمى پيلوتتى «ە-شترافى» جوباسىنىڭ مەگاپوليستە ەنگىزۋگە قولداۋ ءبىلدىردى جانە قالانىڭ ءپاترۋلدى قىزمەتىن پلانشەتتەرمەن، ءموبيلدى تەرموپرينتەرلەرمەن جابدىقتاۋ ءۇشىن قارجى ىزدەستىرۋدى تاپسىردى.
«سيفرلى قازاقستان جوباسى ءتۇرلى اكىمشىلىك كەدەرگىلەردى جويىپ، جەمقورلىقتى ازايتۋ ءۇشىن ەنگىزىلەدى»، – دەدى ب.بايبەك.
پرەمەر-مينيستردىڭ ورىنباسارى جۇمىس ساپارى بارىسىندا «يننوۆاسيالىق تەحنولوگيا پاركىنىڭ» اۆتونومدى كلاستەرلى قورى ماڭىندا ورنالاسقان «Tech-Garden» ءىت ايماعىندا بولدى.
ءىت ايماقتىڭ رەزيدەنتتەرى – 10 IT-كومپانيالار مەن 15 ستارتاپتار. بۇلاردىڭ بارلىعى IBM، ARM، Autodesk، 1C سياقتى زاماناۋي پالتفورمالاردى پايدالانادى. جوباعا قاتىسۋشىلاردىڭ كوپشىلىگى مۇناي-گاز، مەتاللۋرگيا، ماشينا جاساۋ سياقتى ءوندىرىس سالاسىمەن اينالىساتىن تانىمال شەتەلدىك كومپانيالارمەن باسەكەلەس، سونىمەن قاتار قالانىڭ ينفراقۇرىلىمىن دامىتۋعا وزدەرىنىڭ وڭ ىستەرىن ۇسىنا الادى.
اسقار جۇماعالييەۆ يننوۆاسيالىق نەگىزدەگى جوبالارمەن تانىستى جانە قازاقستاننىڭ ءتۇرلى وڭىرلەرىنىڭ جانە جاقىن شەتەلدەردىڭ ستارتاپ- كومپانيالارىنىڭ قاتىسۋىمەن شەبەرلىك سىنىپتارىن وتكىزۋدى ۇسىندى.
بۇگىنگى كۇنى الماتى قالاسى ترانزيتتى-كولىك ءدالىزىن ويداعىداي جۇزەگە اسىرۋدا، الەمنىڭ ءىرى نارىعىنا ءقاۋىپسىز جانە قىسقا جولداردى قامتاماسىز ەتۋدە. قازىرگى كەزدە ەلىمىزگە حالىقارالىق ءتۇرلى پوشتا ونىمدەرى استانا، الماتى، ورال قالالارى بويىنشا حالىقارالىق پوشتا الماسۋ ارقىلى كەلەدى، بۇلاردىڭ 80%-ى الماتى ارقىلى وتەدى. پوشتا ونىمدەرىن قىتايدىڭ، سينگاپۋردىڭ، گەرمانيانىڭ، اقش-تىڭ جانە باسقا ەلدەردىڭ ينتەرنەت- ماگازيندەرى جىبەرەدى.
پرەمەر-مينيستردىڭ ورىنباسارى مەن الماتى قالاسىنىڭ اكىمى «قازپوشتا» اق-نىڭ اقپاراتتىق-لوگيستيكالىق ورتالىعىنىڭ جۇمىسىمەن تانىستى. مۇندا پوشتا ونىمدەرى اۆتوماتتى تۇردە سۇرىپتالادى، ول ساعاتىنا 6 545 پوشتا ونىمدەرىن جىبەرەدى. جۇيە سالماعى 10 كيلوگرامعا دەيىنگى حالىقارالىق جانە ىشكى باندەرولدەر مەن حاپلىقارالىق شاعىن پاكەتتەردى ىرىكتەيدى.
ورتالىق جۇمىسىمەن تانىسۋ بارىسىندا «قازپوشتا» اق-ى باسقارماسىنىڭ ءتوراعاسى ساكەن سارسەنوۆ ينتەرنەت ارقىلى ساۋدا جاساۋدىڭ كۇن ساناپ ارتىپ كەلە جاتقانىن ايتتى. جىل باسىنان بەرى قازاقستانعا 9 ملن. استام شەتەلدىك پوشتا ءونىمى تۇسكەن.
«ەگەر بيىلعى جىلدىڭ تامىزىنا دەيىن ءبىز تاۋلىگىنە 10 000 پوسىلكانى ىرىكتەسەك، سۇرىپتاۋ ماشيناسى مەن ءموبيلدى تەرمينالدىڭ ارقاسىندا 100 000 پوشتا ءونىمىن رەتتەي باستادىق. تەحنولوگيالىق پروسەستى وڭتايلاندىرۋ ارقىلى پوشتا ونىمدەرى تاۋلىك بويىنا سۇرىپتالادى. ونىڭ ۇستىنە، اۆتوماتتاندىرۋ بارىسىندا پوشتا قاپتارى ناقتىلى اتاۋلارعا جىبەرىلۋدە، ال بۇل پوشتا ءونىمىنىڭ جەدەل جەتۋىنە وڭ ىقپال ەتۋدە»، – دەدى ساكەن سارسەنوۆ.
جاقسى بازانىڭ، دامىعان لوگيستيكانىڭ جانە پوشتا بولىمشەلەرىنىڭ جۇيەلەرى نەگىزىندە «قازپوشتا» بۇگىنگى كۇنى قاجەتتى بارلىق ينفراقۇرىلىمدى e-commerce ارقىلى جۇزەگە اسىرا الادى. الماتىداعى ينتەرنەت- ماگازيندەرگە كومەك رەتىندە فۋلفيلمەنت قىزمەتى قوسىلعان، ول پوشتا ءونىمىن سۇرىپتايدى، ساقتايدى، قاپتايدى، جەتكىزەدى.
ساكەن سارسەنوۆ «قازپوشتانىڭ» ءتۇرلى ترانزيتتى جوبالارعا قاتىساتىنىن، قازاقستان ارقىلى قىتايدان ەۆروپاعا نەمەسە كەرىسىنشە ترانزيت ارقىلى حابتاردى جىبەرەتىنىن ايتتى. بۇل قازاقستان ارقىلى قىتايدان رەسەيگە نەمەسە ەۆروپاعا ءترانزيتتتى ونىمدەردىڭ 20% -دان استامىن وتەتىنىن كورسەتەدى. ەگەر 2016 جىلى «قازپوشتا» ارقىلى ءترانزيتتى لەكتىڭ كولەمى 53% -دى قۇراسا (10 ملن. ءونىم، 2015 جىلى 6،5 ملن. بولعان)، 2017 جىلى 17 ملن. ونىمگە ارتادى دەگەن بولجام بار.
