جازباۋعا, جارييالاماۋعا كەلمەي تۇر ەندٸ. ٶز تاراپىمىزدان ٷندەمەستٸگٸمٸزدٸڭ كەسٸرٸن تارتتىق. جۋرناليستەر ادام ەمەس پە وسى? ولاردىڭ دا وتباسىلارى, بالا-شاعاسى بار ەمەس پە?
العاش قىسقارتۋ بولادى دەلٸنگەن. «بٸرشاما قىزمەتكەرلەر جۇمىسسىز قالادى» دەگەن سٶز شىقتى. سوندا دا اسا الاڭداماعان ەدٸك. ەندٸ مٸنە, «قازاقستان ۇلتتىق تەلەارناسىنىڭ «قازاقستان-سەمەي» فيليالى جابىلسىن!» دەگەن بۇيرىق شىعىپتى. بٸزدٸڭ ۇجىمدا 70 ادام ٸستەيدٸ, دەمەك, «جابىلسىن» دەگەن سٶز وسى 70 ادام جۇمىسسىز قالادى دەگەندٸ بٸلدٸرەدٸ.
سەبەبٸن دە بٸلدٸك. ەلەمدٸك داعدارىس, قارجىنى ٷنەمدەۋ دەپتٸ. قىزىق, مەملەكەت قارجىنى جۋرناليستەردٸڭ ەسەبٸنەن ٷنەمدەگەنٸ نەسٸ? ٷنەمدەۋدٸ الدىمەن ٶزٸنەن باستاماي ما?
بٸر قىزىعى, كٸشٸگٸرٸم زاۋىتتاعى 70 ادام جۇمىسسىز قالدى دەسە, بۇل – تراگەدييا. ال 70 جۋرناليست (ەرينە, ونىڭ ٸشٸنە وپەراتورلار, رەداكتورلار, باسقا دا ماماندىق يەلەرٸ كٸرەدٸ) جۇمىسسىز قالسا, ەشكٸمنٸڭ جٷرەگٸ اۋىرمايتىن سيياقتى.
سوندا جۋرناليستەر ادام ەمەس پە? سەمەي – الماتى ەمەس, جۇمىسسىز قالساق, بٸز اندا-مىنا كٸرە كەتە المايمىز. بٸزدٸڭ ەسەبٸمٸزدەن ٷنەمدەيتٸندەي ايلىعىمىز دا اسىپ-تاسىپ تۇرعان جوق ەدٸ. 60 مىڭنىڭ اينالاسىندا الامىز. قازٸرگٸ باعامعا شاقساق, بار بولعانى 200 دوللاردان سەل اسادى. سوندا بٸزدٸڭ ەسەبٸمٸزدەن قاي قارجىنى ٷنەمدەمەك?
جارايدى, بۇل باسقا مەسەلە. ەگەر «قازاقستان-سەمەي» تەلەارناسى جۇمىس ٸستەمەي وتىرسا, تەلەارنا تٷسٸرگەن دٷنيەلەردٸ ەل كٶرمەسە, بٸلمەسە بٸز دە ٷندەمەس ەدٸك. بٸراق, وسى ارنانىڭ وتىمەن كٸرٸپ, كٷلٸمەن شىعىپ جٷرمٸز. رەسپۋبليكالىق بولماسا دا, ايماقتىق دەڭگەيدە حالىققا حابار تاراتىپ وتىرعان جايىمىز بار.
يە, راس ٷندەمەستٸگٸمٸزدٸڭ كەسٸرٸن تارتتىق. قولىمىزدى كەش سەرمەدٸك پە دەپ قورقامىز. بٸراق, «ەشتەن كەش جاقسى». مەملەكەت ٷنەمدەۋدٸ قىسقارتۋدىڭ ەسەبٸنەن جٷرگٸزٸپ جاتقانى تاڭعالدىرادى. قىسقارتۋدىڭ ارتى جۇمىسسىزدىق. ال ونىڭ ارتى نە?
بەرٸك تەنتەكۇلى
رەداكتسييادان: «قازاقستان-سەمەي تەلەارناسىنىڭ جابىلۋىنا قارسىلىق بٸلدٸرگەن تەلەارنا ۇجىمى مەملەكەت باسشىسى نۇرسۇلتان نازارباەۆتىڭ اتىنا حات جازىپتى. سول حاتتى قاز-قالپىندا بەرٸپ وتىرمىز.
قۇرمەتتٸ, نۇرسۇلتان ەبٸشۇلى!
سٸزگە «قازاقستان» ۇلتتىق تەلەارناسىنىڭ سەمەي قالاسىنداعى فيليال قىزمەتكەرلەرٸ حات جازىپ وتىر. «اقشا ٷنەمدەيمٸز» دەگەن ۇلتتىق ارنا باسشىلىعى «قازاقستان-سەمەي» تەلەارناسى جابىلسىن!» دەگەن شەشٸم شىعارىپتى.
ال سەمەيدٸڭ ٶزٸ قازاقستاننىڭ رۋحاني-مەدەني ورتالىعى. اباي مەن شەكەرٸم دٷنيەگە كەلگەن جەر. دەل وسى جەردە سٸزدٸڭ قولداۋىڭىزبەن «نەۆادا-سەمەي» انتييادرولىق قوزعالىسى قۇرىلعان. باستىسى سٸزدٸڭ باستامالارىڭىز بەن رەفورمالارىڭىزدى ناسيحاتتاۋدى بٸزدٸڭ ۇجىم ەشقاشان دا كٷن تەرتٸبٸنەن تٷسٸرگەن ەمەس.
قازٸر سەمەي قالاسىندا 350 مىڭنان اسىپ جىعىلاتىن حالىق تۇرادى. وسى 350 مىڭ ادام قالانىڭ كٷندەلٸكتٸ تىنىس-تٸرشٸلٸگٸن, ونداعى ورىن الىپ جاتقان وقيعالاردى بٸزدٸڭ تەلەارنا ارقىلى بٸلەدٸ.
قازٸرگٸ كٷنٸ ۇجىمدا 70 ادام قىزمەت اتقارىپ جاتىر. از ەمەس. بارلىعىنىڭ وتباسى, بالا-شاعاسى بار. ارنانىڭ قارجىلىق ەلەۋەتٸ سونشالىقتى قوماقتى ەمەس, باستىسى جاڭالىقتار تٷسٸرۋگە, باعدارلامالار ەزٸرلەۋگە قاجەتتٸ بارلىق تەحنيكالار بار.
سايىپ كەلگەندە «ٷنەمدەيمٸز» دەپ 300 مىڭ اۋديتوريياعا ارنالعان ايماقتىق ارنانى جابۋ قيسىنسىز. بۇل تىعىرىقتان شىعۋدىڭ جولى ەمەس. ونىڭ ٷستٸنە «قازاقستان-سەمەي» تەلەارناسى ٶزٸنە قاجەتتٸ قارجىنىڭ بٸراز بٶلٸگٸن ٶز كٷشٸمەن تابادى. اتاپ ايتقاندا مەملەكەتتٸك تاپسىرىستاردى ورىندايمىز, جارنامالار شىعارامىز.
سەمەي ستراتەگييالىق ايماقتا ورنالاسقان. بەرگٸ جاعىمىزدا رەسەي, ارعى جاعىمىزدا قىتاي. بۇل تۇرعىدان قاراستىرعاندا ەكونوميكالىق جاعدايعا وبەكتيۆتٸ تٷردە باعا بەرەتٸن, جەرگٸلٸكتٸ مەملەكەتتٸك قۇرىلىمداردىڭ اتقارىپ جاتقان جۇمىسىن جٷيەلٸ تٷردە جۇرتقا جەتكٸزٸپ وتىراتىن, ەڭ باستىسى ەلگە قالانىڭ رۋحاني-مەدەني جەنە ەلەۋمەتتٸك ٶمٸرٸنەن حابار بەرەتٸن ارنانىڭ جابىلۋى قاتەلٸك دەپ سانايمىز.
تەلەارنا ۇجىمى اتالعان مەسەلە مەملەكەت باسشىسى رەتٸندە ٶزٸڭٸزدٸ ارالاسۋىڭىزدى جەنە «قازاقستان» ۇلتتىق ارناسىنىڭ باسشىلىعى تاراپىنان قابىلدانعان «قازاقستان-سەمەي» فيليالى جابىلسىن دەگەن شەشٸمنٸڭ كٷشٸن جويۋدى سۇرايمىز.
نەگە دەسەڭٸز, بۇل سەمەي قالاسىنداعى جالعىز مەملەكەتتٸك تەلەارنا. ال مەملەكەتتٸك ارنانىڭ جابىلۋى تۇتاستاي العاندا مەملەكەتتٸڭ اقپاراتتىق ساياساتىنا كەرٸ ەسەر ەتۋٸ مٷمكٸن.
قۇرمەتپەن, «قازاقستان-سەمەي» تەلەارناسىنىڭ ۇجىمى
