29 قازاندا قاراعاندى وبلىسى اكىمدىگى حالىقارالىق «قازاق ءتىلى قوعامى» بىرلەستىگى جانە قازتۇتىنۋوداعى قاراعاندى ۋنيۆەرسيتەتى اراسىندا ءوزارا ىنتىماقتاستىق تۋرالى مەموراندۋمعا قول قويدى، دەپ حابارلايدى Dalanews.kz
ەكى ۇيىم مەملەكەت باسشىسى قاسىم-جومارت توقايەۆتىڭ ازاماتتىق سانانى وياتىپ، كىتاپ وقۋ مادەنيەتىن دامىتۋ تاپسىرمالارىن ورىنداۋ ماقساتىندا وبلىستا باستاۋ العان «تۇلپار ءمىنىپ، تۋ العان» بايقاۋىنا قولداۋ ءبىلدىردى.
بۇل باستاما – مەملەكەت، قوعام جانە ءبىلىم وردالارىنىڭ ورتاق مۇراتى مەن ىنتىماعىن ايقىندايتىن ماڭىزدى قادام. بايقاۋ جەڭىمپازى قازتۇتىنۋوداعى قاراعاندى ۋنيۆەرسيتەتىنىڭ ءبىلىم گرانتىن يەلەنسە، ۇستازى — «حالىقارالىق قازاق ءتىلى قوعامى» ۇسىنعان اۆتوكولىككە يە بولادى. مۇنداي قولداۋ وقۋشىلاردىڭ بىلىمگە، كىتاپ وقۋعا دەگەن قىزىعۋشىلىعىن ارتتىرىپ، شاكىرتىن جەتىستىككە جەتەلەگەن مۇعالىمدەرگە دە ەرەكشە شابىت سىيلايدى.
بايقاۋعا وبلىستىڭ 13 وڭىرىنەن 4 138 وقۋشى قاتىسۋعا ءوتىنىم بەرگەن. جارىس ەكى كەزەڭنەن تۇرادى:
- ءى كەزەڭ — اۋداندىق / قالالىق،
- ءىى كەزەڭ — وبلىستىق.
بايقاۋدىڭ باستى ماقساتى — مەملەكەتتىك ءتىلدىڭ مارتەبەسىن ارتتىرۋ، ۇلتتىق قۇندىلىقتاردى، قازاق حالقىنىڭ ءسالت-داستۇرى مەن رۋحاني مۇراسىن دارىپتەۋ.
ءىس-شاراعا قاراعاندى وبلىسى اكىمىنىڭ ورىنباسارى الىبەك الدەنەي، «حالىقارالىق قازاق ءتىلى قوعامىنىڭ» پرەزيدەنتى راۋان كەنجەحان ۇلى جانە قازتۇتىنۋوداعى قاراعاندى ۋنيۆەرسيتەتى رەكتورىنىڭ مىندەتىن اتقارۋشى الماس ورىنبەكوۆ قاتىستى.
مەموراندۋمعا قول قويۋ — قاراعاندى وبلىسىندا قازاق ءتىلىن دامىتۋ، جاستاردىڭ رۋحاني جانە مادەني تاربيەسىن كۇشەيتۋ جولىنداعى ماڭىزدى قادام بولدى.
قاتىسۋشىلار مەملەكەتتىك ءتىلدىڭ بەدەلىن ارتتىرۋعا جانە ۇلتتىق سانا مەن رۋحتى جاڭعىرتۋعا باعىتتالعان بىرلەسكەن باستامالاردىڭ الداعى ۋاقىتتا دا جالعاساتىنىن اتاپ ءوتتى.
