بۇل جولى دەرٸگەرلەرگە 14 ادام جٷگٸندٸ. تەكسەرۋ بارىسىندا ماماندار ٶرەسكەل بۇزۋشىلىقتاردى انىقتادى, وقيعا بويىنشا قىلمىستىق ٸس قوزعالعانى حابارلاندى دەپ مەلٸمدەيدٸ Dalanews.kz.
ٶڭٸرلٸك سانيتارلىق-ەپيدەميولوگييالىق باقىلاۋ دەپارتامەنتٸنٸڭ مەلٸمەتٸنشە, سوڭعى ٷش جىلدا ٶڭٸردە التى ٸرٸ تاماقتان ۋلانۋ جاعدايى تٸركەلگەن — ارىس, كەنتاۋ, تٷركٸستان قالالارىندا, سونداي-اق كەلەس جەنە سايرام اۋداندارىندا. بارلىعى دەرٸگەرلەرگە 200-دەن استام ادام جٷگٸنگەن.
— بيىل 68 تۇرعىن «Yummy Maki» فاستفۋد ورتالىعىنان تٷركٸستاندا ٷيگە تاپسىرىس ارقىلى جەتكٸزٸلگەن پيتستسا, سۋشي جەنە تاۋىق ەتٸنەن دايىندالعان تاعامداردى تۇتىنعاننان كەيٸن زارداپ شەكتٸ. سول كەزدە مەكەمە جابىلعانىمەن, كەسٸپكەر تاعام جەتكٸزۋ قىزمەتٸن جالعاستىرعان, — دەدٸ وبلىستىق سانيتارلىق-ەپيدەميولوگييالىق باقىلاۋ دەپارتامەنتٸنٸڭ ورىنباسارى اسكار يسكاكوۆ.
ونىڭ ايتۋىنشا, نىشانوۆا كٶشەسٸ, 1ا مەكەنجايىندا ورنالاسقان مەكەمەدە تاعى بٸر تاماقتان ۋلانۋ جاعدايى تٸركەلگەن. بارلىق 14 زارداپ شەككەن ادام پيتستسا مەن سۋشيدٸ ٷيگە جەتكٸزۋ ارقىلى تاپسىرىس بەرگەن.
تەكسەرۋ بارىسىندا ماماندار سانيتارلىق-ەپيدەميولوگييالىق تالاپتاردىڭ اۋىر بۇزۋشىلىقتارىن انىقتاعان. مەكەمە قايتادان جابىلعان. وقيعا بويىنشا پوليتسييا قىلمىستىق ٸس قوزعاعان.
جىل باسىنان بەرٸ دەپارتامەنت وسىنداي وقيعالاردىڭ الدىن الۋ ماقساتىندا 919 قوعامدىق تاماقتاندىرۋ مەكەمەلەرٸن پروفيلاكتيكالىق تەكسەرۋدەن ٶتكٸزگەن.
