"ەسكٸ قازاقستاننىڭ" ٶكٸلٸ ەسٸموۆ جۇرت الدىنا شىقتى

كٶپتەن بەرٸ كٶزگە تٷسپەگەن احمەتجان ەسٸموۆ الماتىداعى گولف تۋرنيرٸندە بوي كٶرسەتتٸ, دەپ حابارلايدى Dalanews.kz.

"ەسكٸ قازاقستاننىڭ" ٶكٸلٸ سانالاتىن احمەتجان ەسٸموۆ ۇزاق ۋاقىتتان كەيٸن العاش رەت قوعامدىق ٸس-شارادا كٶرٸندٸ.

ول الماتىداعى "جايلاۋ" گولف-كۋرورتىندا ٶتكەن Audi Quattro Cup 2025 ۇلتتىق تۋرنيرٸندە بوي كٶرسەتتٸ. ۇزاق ۋاقىتتان بەرٸ جۇرت الدىنا شىقپاعان ەسٸموۆتٸڭ شارا كەزٸندە كٶڭٸلٸ كٶتەرٸڭكٸ بولعانى سۋرەتتەردەن بايقالادى.

تۋرنيردەن تٷسٸرٸلگەن فوتولاردى ٸس-شارا ۇيىمداستىرۋشىلارى جارييالاعان. سۋرەتتەردەن احمەتجان ەسٸموۆتٸڭ سپورتتىق اتموسفەرادا ٶزگە قاتىسۋشىلارمەن بٸرگە ۋاقىت ٶتكٸزگەنٸ كٶرٸنەدٸ.

ايتا كەتەيٸك, احمەتجان ەسٸموۆ 2008 جىلى 4 سەۋٸردە الماتىنىڭ ەكٸمٸ بولىپ تاعايىندالدى. وعان دەيٸن قالانى يمانعالي تاسماعامبەتوۆ باسقارعان. ەسٸموۆ 7 جىل - 2015 جىلعا دەيٸن وڭتٷستٸك استانانى باسقارعان.