Back

Бүгінде елімізде ішкі көші-қон саласын реттейтін жақсы бастамалар іске асып, кең байтақ Қазақстанның әр пұшпағында тұратын ел азаматтар бір-бірімен қоян-қолтық араласа бастады. Бұл ретте Түркістан облысынан халық саны аз Павлодар, Солтүстік Қазақстан облысына біраз отбасының қоныс аударғанын айрықша атап айтуға болады. Осылай Түркістан облысы елімізде демография саласына серпін беруде.

Түркістан облысынан солтүстік өңірлерге қоныс аударуға ниет білдірген отбасыларды ол жақтағы ағайындардың тұрмыс-тіршілігімен танысу үшін 2017 жылы демеушілер есебінен 35 отбасыға автобус жалдап апарып, көрсетіп қайтқаны есімізде. Бүгінде бұл жобаның нәтижесі көңіл қуантады.