Тоқаев Еуразиялық даму банкінің басқарма төрағасын қабылдады

Кәмшат Тілеухан 15 апр. 2025 12:59 442

Мемлекет басшысы Қасым-Жомарт Тоқаев 2025 жылы 15 сәуірде Еуразиялық даму банкінің басқарма төрағасы Николай Подгузовты қабылдады, деп хабарлайды Dalanews.kz Ақорданың баспасөз қызметіне сілтеме жасап.

Қасым-Жомарт Тоқаев ЕАДБ басшысымен кездесіп, халықаралық қаржы институтының жұмыс нәтижесі мен алдағы жоспарын талқылады.

2024 жылдың қорытындылары:

  • банк Қазақстан экономикасына 1,4 млрд доллар қаржы салды;
  • инвестиция портфеліндегі қазақстандық жобалардың үлесі 60%-ға жетті.

Инвестиция:

  • банк елімізге 2022-2026 жылдарға арналған стратегия аясында 3,8 млрд доллар инвестиция құю жоспарын мерзімінен бұрын орындады.

2025 жылға жоспар:

  1. жалпы сомасы 4,5 млрд доллардан асатын жобалар ұсынылды;
  2. мына салаларға 1 млрд доллардан астам инвестиция салу көзделген:
    - энергетикалық нысандарды жаңғырту;
    - жаңартылатын энергия көздері;
    - көлік және логистика салаларын дамыту;
    - республикалық маңызы бар жолдарды жөндеу;
    - инфрақұрылым нысандарының құрылысы;
    - өнеркәсіп және цифрлық технологиялар.

Қаржы нарығын дамыту

Николай Подгузов ЕАДБ серіктестермен және көпжақты ұйымдармен тығыз қарым-қатынаста жұмыс істеп, сондай-ақ өздері ұйымдастыратын халықаралық іс-шаралар арқылы Қазақстанның қаржы нарығын дамыту және инвестиция тарту ісіне белсенді атсалысуға ниетті екенін айтты.

Мемлекет басшысы банктің Қазақстан экономикасын дамытуға қосқан үлесін жоғары бағалап, ынтымақтастықты одан әрі нығайтуға бейіл екенін растады.

Айта кетсек, Еуразиялық даму банкі – инвестициялық қызметін Еуразия кеңістігінде жүргізетін көпжақты даму банкі. Штаб-пәтері Алматы қаласында орналасқан. 2025 жылғы жағдай бойынша, ЕАДБ портфеліне жалпы инвестиция сомасы 16,5 млрд долларды құрайтын 305 жоба енген. Негізгі бағыттары: көлік инфрақұрылымы, цифрландыру, жасыл энергетика, ауыл шаруашылығы, өнеркәсіп және машина жасау.


Рекомендовать
Последние новости