Талғар ауданының полицейлері миллиондаған шығыны бар алаяқтық жасаған қамаудағы күдіктінің қырықыншы эпизодын анықтады, – деп хабарлайды Dalanews.kz Алматы облысы әкімінің баспасөз қызметіне сілтеме жасап.
– Сотқа дейінгі тергеу барысында бірқатар қылмыстар үшін тергеуде жүрген 27 жастағы күдіктіге байланысты алаяқтықтың жаңа фактісі анықталды. Белгілі болғандай, ол Қарағандының тұрғынын жеңілдікпен несие алуға көмектесуге уәде беріп, оған 3,5 миллион теңге көлемінде залал келтіріп алдаған. Бұл іс айыпталушының ісіндегі 40-шы эпизод болды және сотқа беру үшін негізгі қылмыстық іске қосылды, – деп хабарлады полиция.
Қазір алаяқтың құрбандарына келтірілген жалпы шығын 80 миллион теңгеден астам соманы құрап отыр. Полиция күдіктінің басқа да осындай қылмыстарға қатысы бар-жоғын тексеруді жалғастыруда.
Құқық қорғау органдары осындай алаяқтық схемалардан зардап шеккен азаматтарды дереу полицияға жүгінуге шақырады. Бұл барлық зардап шеккендерді анықтауға және кінәліні заңға сәйкес жауапқа тартуға көмектеседі.
