«Жұмыс кабинетімде Әзірбайжан мен Қазақстан елшілерін қабылдадым. Қазақстан елшісі Дархан Кәлетаев украина тіліне аударылған қазақ әдебиетінің классигі Абай Құнанбайұлының кітабын сыйлады. Біз Украинаның екі елмен қарым-қатынасы сөз еттік. Біз постсоветтік аумақта реформалар бойынша жеке бюро құрамыз» деп жазыпты Саакашвили.
Бұған дейін Михаил Саакашвили «Nur Otan» партиясының мүшесі, депутат Нұржан Әлтаев бастаған делегацияны үйінде қабылдаған-ды. Қазақстандық меймандар арасында президент Қасым-Жомарт Тоқаевтың экс-кеңесшісі Олжас Құдайбергенов, Ұлттық қоғамдық сенім кеңесінің бұрынғы мүшелері Арман Шораев, Бақытжан Бұқарбай, «Nur Otan» партиясының тағы бір мүшесі, экс-депутат Бақыт Сыздықова болған.
