Сайлау учаскесінде дауыс беру барлық санитарлық талаптарға сай, ара қашықтықты сақтау, залалсыздандыру жұмыстарын жүргізе отырып, жоғары деңгейде ұйымдастырылатын болады. Сонымен қатар, ауданың беделді азаматы, генерал – майор, қоғам қайраткері Байтұқбаев Жақсылық Ысқақұлының атына берілген мектеп кабинетін көріп, ыстық естеліктерге шолу жасады. Артынша «Ауыл ел бесігі» бағдарламасы аясында 150 орындық клубтың құрылыс – монтаж жұмыстарымен танысты. Құрылыс жұмыстарына тапсырыс беруші «Алакөл ауданының құрылыс бөлімі» ММ болса, мердігер «Алакөл – Асыл құрылыс» ЖШС-гі. Нысанның жалпы аумағы 1,5 га болса, ғимараттың ауданы 8 мың шаршы метрді құрайды. Асыл қазынаға толы кітапханасы, ән, би үйірмелері болатын ауыл клубында қазіргі таңда 4 техника және 17 адам қызмет етеді. Қазақстан Республикасы Тәуелсіздігінің 30 жылдығымен қатарлас келген нысанды ағымдағы жылдың 16 желтоқсан күні қолданысқа беру жоспарлануда. Жол – экономикамыздың күре тамыры болғандықтан «Ауыл ел бесігі» бағдарламасы аясында І.Жансүгіров, Ә. Молдағұлова, Т.Рұсқылов, Т.Ысқақов, С.Байтұқбаев, Қабанбай батыр, Қасабай батыр көшелерінің жұмысымен танысып қайтты.
Қасиет АРСТАН,
Алакөл ауданы әкімінің
баспасөз-хатшысы
