"Бүгінгі таңда қауіпті індетке шалдыққан тағы бір науқасты анықтадық. Оны үшінші науқас деп айтуға болады. Ол наурыздың 12-сі күні Италияның Милан қаласынан Нұр-Сұлтанға келген. Лабораториялық сараптама бойынша азаматтан коронавирус инфекциясы анықталды. Азаматты әуежайға келген кезде бірден карантинге жатқыздық", - деді Біртанов Орталық коммуникациялар қызметінде өткен брифингте.
Айта кетелік бұған дейін Біртанов Қазақстанда бірінші коронавирус жұқтыру дерегі тіркелгенін, вирус жұқтырғандармен байланыста болған азаматтар әзіргі күні іздестіріліп жатқанын хабарлаған.
"Біріншісі 9 наурызда келді, яғни бұл ел тыйым салынғандардың І-санатына әлі жатқызылмаған кезде. Екіншісі – 12-сі күні. Алгоритм бойынша, 73 жолаушының тізім бар. Олар бақылауға алынған.
