Қайтарылған активтер туралы тың ақпараттар шықты. Қайтарылған заңсыз активтерді басқару компаниясы аукционының мемлекеттік мүлік сайтында зергерлік бұйымдар мен люкс заттар лоттарын жариялады. Бұл тізімдегі заттардың құны - миллион теңге, ал олар олигархтар мен жемқорлардан тәркіленген. Бұл туралы Orda.kz материалында айтылған, - деп хабарлайды Dalanews.kz.
Басылым мәліметінше, компанияның сайтында кейбір қымбат зергерлік бұйымдардың сатылымға қойылған лоттары пайда болды. Ал электрон сауда сайтында барлық бағалы затқа баға беру есебі жарияланды.
"Бағасы 230 мың теңге тұратын Louis Vuitton Paris әйелдер сөмкесі. Бағасы 100 млн теңгеге жуық бағаланған гауһар және сапфир тастары бар сақина мен сырға жиынтығы бар", - деп жазылған деректе.
Orda.kz
Онда люкс сағат брендтерін де байқауға болады: Breguet, Franck Muller Geneve және Ulysse Nardin. Ең қымбат лот — Ulysse Nardin Classic 789–80 қол сағаты, бағасы таңғажайып 214 млн теңге. Бұл сағаттар бұрын қолданылғанын ескере кету керек.
Orda.kz
Гауһар тастармен көмкерілген әйелдерге арналған Breguet 3099 BE қол сағаты да бар. Олардың бағасы - 15 млн теңге.
Frank Muller Geneve сағаты 18 караттық қызғылт алтыннан жасалған және сапфир шынымен жабылған. Циферблат рубиндермен, сапфирлармен және цавориттермен инкрустацияланған, сағат тілдері рубиннен жасалған. Корпустағы сызаттарға және бүлінген бауына қарамастан, олардың бағасы 29,2 млн теңге деп көрсетілген.
Orda.kz
Онда Ұлттық банктің коллекциялық монеталары да бар. Әртүрлі тоғыз сериядағы 15 монета, жалпы құны бірнеше миллион теңге тұрады.
Айта кетейік, заңсыз активтерді басқаратын компания 2024 жылдың 1 қазанындағы мәлімет бойынша 5,7 миллиард теңгеге активтерді сатқан, оның ішінде 4,4 миллиард теңге шетелдік активтерді сатудан түскен.
Бұл шаралар тек активтерді қайтарумен шектелмей, олардың қоғам игілігіне жаратуды қамтамасыз ету арқылы халықтың сенімін арттыруды көздейді.
