Қазақстанның бұрынғы президенті Нұрсұлтан Назарбаев Ресей президенті Владимир Путинмен кездесті, - деп хабарлайды Dalanews.kz.

Бұл туралы Кремль хабарлады. 

"Ново-Огаревода Қазақстанның Тұңғыш Президенті Нұрсұлтан Назарбаев пен Владимир Путиннің кездесуі өтті", – делінген Кремльдің сайтында.

Жаңалық жұма, 13 желтоқсан күні сағат 22:00-де жарияланды. Кездесу туралы толық ақпарат берілмеген.

Ново-Огарево – Мәскеу облысындағы Одинцово ауданына қарасты Усово ауылының жанындағы XIX ғасырдағы усадьба.

Бұл – Путиннің мемлекеттік резиденциясы. Ол усадьбада жұмыс кеңестерін және мемлекет басшыларымен кездесулер өткізеді.

Ресейлік «Известия» басылымының мәліметінше, Назарбаев пен Путин сыртқы саясат мәселелерін талқылаған.