15 қаңтарда Павлодар облысы қылмыстық істер жөніндегі мамандандырылған ауданаралық соты адам өлтіру дерегі бойынша қылмыстық істі қарады.
2022 жылғы 31 қазанда Тереңкөл ауылындағы пәтерде С. мен оның азаматтық әйелі О.-ның арасында жанжал басталған. Оған көмір сатып алуға тастаған 36000 теңге себеп болған.
Жанжал барысында О. мас болып, С.-ны табамен ұрмақ болады. Жауап ретінде С. өлтіру мақсатында О.-ның кеуде тұсын және денесінің басқа бөліктерін бірнеше ұрады. Осылайша, жәбірленуші сол жерде қайтыс болған.
Келесі күні С. жасалған қылмысты жасыру мақсатында О.-ның денесін бөлшектеп, кейін қаптарға салып Ертіс өзеніне лақтырып жіберген. Жасалған іс-әрекет үшін заңда 8 жылдан 15 жылға дейін бас бостандығынан айыру жазасы көзделген.
Істің мән-жайын және сотталған адамның жеке басын ескере отырып, оған 11 жыл бас бостандығынан айыру жазасы тағайындалды. Үкім заңды күшіне енген жоқ.
