Халықты сапалы коммуналдық қызметтермен қамтамасыз ету мақсатында 2026 жылға дейін Ақтау қаласының 25 шағынауданын 5 аймаққа бөле отырып, 919 шақырым инженерлік желілерді, яғни су құбырын, кәрізді, жылытуды жаңғырту жоспарланған.
Бүгінгі таңда 19 жобаны қаржыландыру мәселелері қарастырылуда, 1 кезең бойынша жобаның жалпы құны – 20,4 млрд теңге.
Оның ішінде су құбыры бойынша – 6 жоба, кәріз құбыры бойынша – 6 жоба, кәріз тазарту станциялары бойынша – 6 жоба және жылумен жабдықтау желілері бойынша – 1 жобаны жүзеге асыру жоспарланған.
– Биыл Ақтау қаласының 3а, 3б шағын аудандарында және аурухана қалашығында жылу желілерін қайта жаңарту басталып, жалпы ұзындығы 10,2 шақырым болатын инженерлік желілер жаңғыртылады. Ол үшін республикалық бюджеттен 3,3 млрд теңге бөлініп, мердігер анықталды. Қалған шағынаудандарды жаңарту бойынша жұмыстар кезең-кезеңімен жүргізілетін болады, – деді өңір басшысы Нұрлан Ноғаев.
