18 tamyzda dúisenbide amerikakyq áriptesi Donald Tramppen kezdespek Ýkraina prezidenti Vladimir Zelenskii AQSh-qa ushyp kelgenin aitty, dep habarlaidy Dalanews.kz.
Bul týraly ol Telegram-daǵy arnasynda jazdy.
"Vashingtonǵa kelip aldym. Erteń prezident Tramppen kezdesýim bolady. Erteń eýropalyq kóshbasshylarmen de sóilesetin bolamyz. AQSh prezidentine shaqyrtýy úshin alǵys bildiremin", - dep jazdy Zelenskii.
Ol Ýkraina uzaqmerzimdi ymyrany talap etýge nietti ekenin de jetkizdi.
"Bizdiń Amerikamen, eýropalyq dostarymyzben ortaq kúshimiz Reseidi naǵyz beibitshilikke májbúrlei alady dep úmittenemin", – dedi Zelenskii bul rette.
Sondai-aq Ýkraina prezidenti Vladimir Zelenskii Reseide, Belarýssiiada jáne Qytaida jasandy intellekti qondyrylǵan dron jasaýshy kásiporyndarǵa qarsy sanktsiialar engizgeni belgili boldy.
Jarlyq mátini Ýkraina prezidentiniń resmi saitynda ornalastyrylǵan.
Qujatta 39 jeke tulǵaǵa jáne 55 kompaniiaǵa (43 reseilik, 10 qytailyq, eki belarýstik) shekteýler qoldanylǵany aitylǵan. Resei Federatsiiasynyń ondaǵan qorǵanys kásiporyndary, osy eldiń áskeri-ónerkásiptik keshenimen yntymaqtastyqta jumys isteitin kompaniia basshylary men sheteldik firmalar jańa sanktsiialarǵa ushyrady. Sanktsiia aktivterdi buǵattaýdy, saýda operatsiialaryna tyiym salýdy jáne tehnologiialarǵa qol jetkizýdi shekteýdi kózdeidi.
Buǵan deiin Ýkraina prezidenti Vladimir Zelenskii 2025 jyldyń 18 tamyzynda Vashingtonǵa baratyny, onda AQSh basshysy Donald Tramppen kezdesý ótkizetini jariialanǵan bolatyn. Sondai-aq Tramp Vashingtondaǵy Zelenskiimen kezdesýi oidaǵydai ótse, onda 22 tamyzda úshjaqty kezdesý (AQSh, Resei, Ýkraina) ótkizýi múmkin ekenin aitqan. Qazaqstan Resei men AQSh prezidentteriniń Ankoridjdegi kezdesýin Ýkraina boiynsha eń joǵary deńgeidegi kelissózder úderisiniń bastamasy retinde quptaidy.
