18 تامىزدا دۇيسەنبىدە امەريكاkىق ارىپتەسى دونالد ترامپپەن كەزدەسپەك ۋكراينا پرەزيدەنتى ۆلاديمير زەلەنسكيي اقش-قا ۇشىپ كەلگەنىن ايتتى، دەپ حابارلايدى Dalanews.kz.
بۇل تۋرالى ول Telegram-داعى ارناسىندا جازدى.
"ۆاشينگتونعا كەلىپ الدىم. ەرتەڭ پرەزيدەنت ترامپپەن كەزدەسۋىم بولادى. ەرتەڭ ەۋروپالىق كوشباسشىلارمەن دە سويلەسەتىن بولامىز. اقش پرەزيدەنتىنە شاقىرتۋى ءۇشىن العىس بىلدىرەمىن"، - دەپ جازدى زەلەنسكيي.
ول ۋكراينا ۇزاقمەرزىمدى ىمىرانى تالاپ ەتۋگە نيەتتى ەكەنىن دە جەتكىزدى.
"ءبىزدىڭ امەريكامەن، ەۋروپالىق دوستارىمىزبەن ورتاق كۇشىمىز رەسەيدى ناعىز بەيبىتشىلىككە ماجبۇرلەي الادى دەپ ۇمىتتەنەمىن"، – دەدى زەلەنسكيي بۇل رەتتە.
سونداي-اق ۋكراينا پرەزيدەنتى ۆلاديمير زەلەنسكيي رەسەيدە، بەلارۋسسيادا جانە قىتايدا جاساندى ينتەللەكتى قوندىرىلعان درون جاساۋشى كاسىپورىندارعا قارسى سانكسيالار ەنگىزگەنى بەلگىلى بولدى.
جارلىق ءماتىنى ۋكراينا پرەزيدەنتىنىڭ رەسمي سايتىندا ورنالاستىرىلعان.
قۇجاتتا 39 جەكە تۇلعاعا جانە 55 كومپانياعا (43 رەسەيلىك، 10 قىتايلىق، ەكى بەلارۋستىك) شەكتەۋلەر قولدانىلعانى ايتىلعان. رەسەي فەدەراسياسىنىڭ ونداعان قورعانىس كاسىپورىندارى، وسى ەلدىڭ اسكەري-ونەركاسىپتىك كەشەنىمەن ىنتىماقتاستىقتا جۇمىس ىستەيتىن كومپانيا باسشىلارى مەن شەتەلدىك فيرمالار جاڭا سانكسيالارعا ۇشىرادى. سانكسيا اكتيۆتەردى بۇعاتتاۋدى، ساۋدا وپەراسيالارىنا تىيىم سالۋدى جانە تەحنولوگيالارعا قول جەتكىزۋدى شەكتەۋدى كوزدەيدى.
بۇعان دەيىن ۋكراينا پرەزيدەنتى ۆلاديمير زەلەنسكيي 2025 جىلدىڭ 18 تامىزىندا ۆاشينگتونعا باراتىنى، وندا اقش باسشىسى دونالد ترامپپەن كەزدەسۋ وتكىزەتىنى جاريالانعان بولاتىن. سونداي-اق ترامپ ۆاشينگتونداعى زەلەنسكييمەن كەزدەسۋى ويداعىداي وتسە، وندا 22 تامىزدا ءۇشجاقتى كەزدەسۋ (اقش، رەسەي، ۋكراينا) وتكىزۋى مۇمكىن ەكەنىن ايتقان. قازاقستان رەسەي مەن اقش پرەزيدەنتتەرىنىڭ انكوريدجدەگى كەزدەسۋىن ۋكراينا بويىنشا ەڭ جوعارى دەڭگەيدەگى كەلىسسوزدەر ۇدەرىسىنىڭ باستاماسى رەتىندە قۇپتايدى.
