Akter Murat Bisembinniń jaǵdaiy turaqtalyp, ol aýrýhanadan shyǵarýǵa daiyndalyp jatyr. Bul týraly Almaty qalalyq ortalyq klinikalyq aýrýhanasynda habarlady, dep habarlaidy Dalanews.kz.
Insýlt ortalyǵynyń meńgerýshisi Aziz Ismailovtyń aitýynsha, naýqas aýrýhanaǵa aýyr hálde jetkizilgen. Barlyq qajetti em-sharalar júrgizilip, qazirgi ýaqytta onyń jaǵdaiy turaqtalǵan. Endi akter odan ári em qabyldap, alǵashqy meditsinalyq-sanitarlyq kómek uiymy dárigerleriniń baqylaýynda bolý úshin úiine shyǵarylmaq.
Akterdiń qyzy Diana Býlatova aýrýhana ujymyna jáne qoldaý bildirgen qazaqstandyqtarǵa alǵysyn aitty.
«Qazir meni aýrýhananyń barlyq meditsina qyzmetkerlerine jáne bizdi qoldap, ákemniń saýyǵyp ketýine shyn júrekten senip otyrǵan jandarǵa degen rizashylyq sezimi kernep tur. Alla qalasa, kelesi jyly jaqsy jańalyqtarmen oralamyz. Barshańyzǵa kóp raqmet», - dedi Diana Býlatova.
Eske salaiyq, buǵan deiin Diana Býlatova áleýmettik jelide jazba jariialap, ákesi, tanymal akter Murat Bisembinniń insýltpen aýrýhanaǵa túskenin habarlaǵan bolatyn.
