اكتەر مۇرات بيسەمبينءنىڭ جاعدايى تۇراقتالىپ، ول اۋرۋحانادان شىعارۋعا دايىندالىپ جاتىر. بۇل تۋرالى الماتى قالالىق ورتالىق كلينيكالىق اۋرۋحاناسىندا حابارلادى، دەپ حابارلايدى Dalanews.kz.
ينسۋلت ورتالىعىنىڭ مەڭگەرۋشىسى ازيز يسمايلوۆتىڭ ايتۋىنشا، ناۋقاس اۋرۋحاناعا اۋىر حالدە جەتكىزىلگەن. بارلىق قاجەتتى ەم-شارالار جۇرگىزىلىپ، قازىرگى ۋاقىتتا ونىڭ جاعدايى تۇراقتالعان. ەندى اكتەر ودان ءارى ەم قابىلداپ، العاشقى مەديسينالىق-سانيتارلىق كومەك ۇيىمى دارىگەرلەرىنىڭ باقىلاۋىندا بولۋ ءۇشىن ۇيىنە شىعارىلماق.
اكتەردىڭ قىزى ديانا بۋلاتوۆا اۋرۋحانا ۇجىمىنا جانە قولداۋ بىلدىرگەن قازاقستاندىقتارعا العىسىن ايتتى.
«ءقازىر مەنى اۋرۋحانانىڭ بارلىق مەديسينا قىزمەتكەرلەرىنە جانە ءبىزدى قولداپ، اكەمنىڭ ساۋىعىپ كەتۋىنە شىن جۇرەكتەن سەنىپ وتىرعان جاندارعا دەگەن ريزاشىلىق سەزىمى كەرنەپ تۇر. اللا قالاسا، كەلەسى جىلى جاقسى جاڭالىقتارمەن ورالامىز. بارشاڭىزعا كوپ راقمەت»، - دەدى ديانا بۋلاتوۆا.
ەسكە سالايىق، بۇعان دەيىن ديانا بۋلاتوۆا الەۋمەتتىك جەلىدە جازبا جاريالاپ، اكەسى، تانىمال اكتەر مۇرات بيسەمبيننىڭ ينسۋلتپەن اۋرۋحاناعا تۇسكەنىن حابارلاعان بولاتىن.
